Бэйэтин кэмигэр инники күөҥҥэ, дьон болҕомтотун ортотугар сылдьар флагманскай хараабылга ССРС наукатын академиятын үлэһиттэрэ Атлантическай, Чуумпу, Индийскэй акыйааҥҥа, Охотскай, Японскай муораҕа, Аляска уонна Уһук Илин икки ардыгар баар Берингов силбэһиигэ уопсайа 65 эспэдииссийэҕэ, 49 араас дойдуга, 100 пуорка сылдьыбыттара.
«Витязь»-ка океанология оскуолата аһыллан, ССРС 50 научнай институтун, 20 омук дойдутун учуонайдара түмсэн, балык, үүнээйи, хамсыыр харамай саҥа көрүҥүн арыйбыттара. Аан дойду саамай дириҥ байҕалыгар Чуумпу акыйааҥҥа Марианскай оҥхой саамай дириҥиир сирин 11 022 м. кэмнээн, сурукка киллэрбиттэрэ.
Учуонайдар атомнай бырамыысыланнас тобоҕун байҕал түгэҕэр кистиир сөбө суоҕун, уу сүүрүгэ охсо турарын, ол ханна өтөн таһаарара биллибэтин сэрэппиттэрэ.
Устуоруйаҕа киирбит флот эбийиэктэрин биир киэн туттуута Виктор Пацаев сир атмосфератын таһыгар бастакынан тахсыбыт лүөччүк-космонавт аатынан научнай-чинчийэр суудуна билигин даҕаны халлаан куйаарын, спутниктары кытта сибээһи хааччыйар «Роскосмос» эбийиэгэ буолан турар. Онон экскурсияҕа күҥҥэ 16 эрэ киһини чааһынан көрөн киллэрэллэр. Манна халлаан куйаарын баһылаабыт чулуу космонавтар үлэлэрин-хамнастарын көрдөрөллөр.
Ааптар хаартыската.
-
0
-
0
-
0
-
0
-
0
-
0
