Маны таһынан, улуус олохтоох көҕүлээһиннэри өйүүр бырагыраамаҕа өрүү кыттар. Аҕыйах сыллааҕыта Покровскай куорат дьаһалтата «Табыгастаах куорат эйгэтин сайыннарыы» бүтүн Арассыыйатааҕы куонкуруска кыттан, онно кыайан, үбүлээһин харчыта көрүллэн, өрүс кытылын тупсаран, дьон сынньанар, оҕо оонньуур сирин оҥорбуттара, кафе арыйбыттара.
Оттон Селекционнай түөлбэҕэ олохтоох дьокутааттар уокурук дьонун түмэн, субуотунньуктары тэрийэн, спонсордаан быраҕыллан турар сири ыраастаан, успуорт былаһааккатын оҥотторбуттара. Манна оҕолор футбол, волейбол оонньууллар, олохтоохтор сарсыарда эрдэ туран сүүрэллэр, сэрээккэлииллэр, доруобуйаларын чэбдигирдэллэр.
Хаартысканы Хаҥалас улууһун дьокутааттарын сэбиэтэ хааччыйда.
-
1
-
0
-
0
-
0
-
0
-
0
