Мунньахха ОДьКХ эбийиэктэрин, дьиэҕэ сылааһы биэрэр тэрилтэлэр, дьон олорор дьиэтэ-уота уонна социальнай эбийиэктэр 2025-2026 сс. ититэр сезоҥҥа Өлүөхүмэ куоратыгар төһө бэлэмнэрин көрдүлэр-иһиттилэр.
Сүбэ мунньах кыттыылаахтара кэлэр кыһын ититэр ситим эрэллээхтик харгыһа суох үлэлиирин хааччыйарга эбийиэктэр кыстыкка төһө бэлэмнэрин ырытыстылар, туох-ханнык кыһалҕалаах боппуруос баарын көрдүлэр, ол түмүгүнэн быһаарыныы ылыннылар. Хочуолунайдары бэлэмнииргэ, кэмигэр эргэрбиттэри саҥардан иһэргэ итэҕэс-быһаҕас баара биллибит.
Мунньахха быһаарбыттарынан хочуолунайдары АТП-га биэриэхтээхтэр, «Нефтебаза» уонна «Эврика» судаарыстыба бас билиитигэр көһүөхтээхтэр, эбэтэр куортамҥа бэриллэн, үлэлэрин көдьүүстээхтик толоруохтаахтар. Ону таһынан, дебиторскай иэһи ирдэһии, оттугу кэмигэр тиэйэн аҕалыы, ититэр ситими саҥардыы, айылҕа гааһыгар көһүү боппуруостарын дьүүллэстилэр.
Түмүккэ муниципальнай уорганнарга уонна ититиинэн хааччыйар тэрилтэлэргэ сүбэ-ама биэрдилэр, ититэр сезоҥҥа бэлэмнэнии үлэтэ былаан быһыытынан тиһигин быспакка баран иһиэхтээҕин ыйдылар.
Ил Түмэн пресс-сулууспататын иһитиннэриитэ уонна хаартыскаҕа түһэриитэ.
-
0
-
0
-
0
-
0
-
0
-
0
