Ил Түмэн дьокутаата, «Якутскэнерго» генеральнай дириэктэрэ Гаврил Алексеев халаан уутуттан эмсэҕэлээбит Өймөкөөн уонна Муома улуустарыгар ыксаллаах быһыы-майгы биллэриллибит кэмигэр ЛЭП атахтара, күнтэн иитиллэр электростанция, ититии ситимэ ууга былдьаммыттарын туһунан бэйэтин Телеграм-ханаалыгар иһитиннэрдэ. Чуолаан Өймөкөөн, Биэрэк Үрдэ, Сордоҥноох, Уус Ньара (Нерскай түөлбэ) улаханнык эмсэҕэлээбиттэр.
Ил Түмэн дьокутаата, «Якутскэнерго» генеральнай дириэктэрэ Гаврил Алексеев халаан уутуттан эмсэҕэлээбит Өймөкөөн уонна Муома улуустарыгар ыксаллаах быһыы-майгы биллэриллибит кэмигэр ЛЭП атахтара, күнтэн иитиллэр электростанция, ититии ситимэ ууга былдьаммыттарын туһунан бэйэтин Телеграм-ханаалыгар иһитиннэрдэ. Чуолаан Өймөкөөн, Биэрэк Үрдэ, Сордоҥноох, Уус Ньара (Нерскай түөлбэ) улаханнык эмсэҕэлээбиттэр.
Уус Ньараҕа Нерскай хочуолунай таас чоҕу харайар былаһаакката, оттон Биэрэк Үрдүгэр компенсатор ууга барбыттар. Онон бу улуустарга төгүрүк суукка дьуһуурустуба оҥоһулунна, эбийиэктэр туруктарын кэтээн көрдүлэр. Инфраструктура эрэлээхтик үлэлиирин туһугар уонна нэһилиэнньэ куттала суох олоҕун хааччыйарга туох баар миэрэни барытын ыллылар.
Халаан уута бүппүтүн кэнниттэн чөлүгэр түһэрэр үлэ ыытыллыаҕа. «Якутскэнерго» хампаанньа халаан уутуттан эмсэҕэлээбит дьоҥҥо көмөлөһөргө бэлэмин туһунан иһитиннэрдэ.
Хаартыска Гаврил Алексеев ТГ-ханаалыттан.
0
0
0
0
0
0
