Онтон билигин «Б-413” ССРС Байыаннай-морской флотугар Хотугу уонна Балтийскай муораҕа сулууспалаабыт, билигин мусуой эбийиэгэ буолан турар уһун синньигэс тиэхиньикэ иһигэр киирэ сырыттыбыт. Көрүдүөрэ кып-кыараҕас, биир киһи нэһиилэ кыбыллан ааһар, тула өттүҥ барыта прибор, датчик, хайдах эрэ салгын тиийбэт курдук, ортотугар бэрт дьоҕус төгүрүк ааннардаах, ону төҥкөйөн нэһиилэ атыллаан тахсаҕын.
Подлодка 400 м. дириҥҥэ киирэр, 100 м. ыраахха диэри ытар сүүрбэччэ торпедолаах, миинэлээх, хантан даҕаны салгын киирэр үүтэ-хайаҕаһа суох бүтэй, мотуруостар, мичманнар барахсаттар кып-кыараҕас хоско ыйы-ыйдаан хастыы даҕаны буолан олоро сылдьыбыттар.
«Б-413” курдук Сэбиэскэй бырайыактаах уу аннынан сылдьар тиэхиньикэлэри 1958-1971 сс. Ленинградка Адмиралтейскай собуокка оҥороллоро. Манна таҥыллыбыт субмариналар 1990-ус сылларга диэри Алтантическай, Чуумпу, Индийскэй акыйааҥҥа араас эспэдииссийэлэргэ сылдьыбыттара. 2000 сылларга субмарина эргэрэн, кинилэри уу аннынан сылдьар атомнай подлодкалар солбуйан, урукку тиэхиньикэни флоттан таһааран, түмэл экспоната оҥорбуттара.
Ааптар хаартыската.
-
0
-
0
-
0
-
0
-
0
-
0
