Бөлөх састаабыгар хампаанньа Хаандыгатааҕы нефтебаазатын эрэ үлэһиттэрэ буолбакка, Дьокуускай, Ньурба, Томмот нефтебаазатын үлэһиттэрэ киирэн үлэлээтилэр.
«Өймөкөөн улууһугар халаан уутуттан эмсэҕэлээбит дьоҥҥо көмөлөһөргө кэлэктиип түмсүүлээҕин көрдөрдө», — диэн эттэ «Саханефтегазсбыт» АУо генеральнай дириэктэрэ, норуот дьокутаата, «Биир Ньыгыл Арассыыйа» баартыйа чилиэнэ Виктор Лебедев.
Биир нэдиэлэ устата үлэһиттэр чөлүгэр түһэрии үлэтигэр сырыттылар, Куйдуһун уонна Томтор нэһилиэккэ сири-уоту ыраастаатылар, АЗС №26 бөхтөн-сыыстан, ньамахтан хомуйдулар, ыаллар тиэргэннэриттэн ууну оботтордулар.
Тэрилтэ 19 филиалын уонна «Саханефтегазсбыт» АУо управлениетын үлэһиттэрэ харчыны хомуйан, айылҕа алдьархайыттан эмсэҕэлээбит дьоҥҥо ыыттылар.
Санатан эттэххэ, урукку да сылларга хампаанньа үлэһиттэрэ Нам, Таатта, Томпо улуустарыгар халаан уутун хоромньутун туоратарга харчынан уонна миэстэтигэр тиийэн көмөлөспүттэрэ.
«Саханефтегазсбыт» АУо хаартыската.
-
0
-
0
-
0
-
0
-
0
-
0
