Онон түгэнинэн туһанан, элбэх оҕурсуну ылан тууһуохха, эбэтэр утары сииргэ малосолканы оҥостуохха сөп эбит. Малосолка оҕурсуну арыылаах килиэби, төгүрүктүү буспут хортуосканы кытта сиир олус минньигэс. Оҥоһуллара даҕаны бэрт түргэн: миини буһарар улахан иһиккэ ууну оргутаҕын, 2 остолобуой ньуоска туустуугун, 1 остолобуой ньуоска саахардыыгын, төгүрүк хара биэрэһи, лавр сэбирдэҕин, зонтик курдук укроп төбөтүн, биллэр курдук чесногу эбэҕин уонна оҕурсулары кырбаан кутаҕын.
Хоммутун кэнниттэн холодильникка угаҕын, амтанын ылбыт хачыгырас оҕурсулары арыылаах килиэп үрдүгэр да ууран сиэтэххэ олус минньигэс. Маннык малосолка аҕыйах хонукка утары сииргэ барар. Сорох дьон салапаан бакыат иһигэр уган тууһууллар, мин рассолга хоммуту ордоробун, ким хайдах сөбүлүүрүнэн астанар.
Ааптар хаартыскаҕа түһэриитэ.
-
0
-
0
-
0
-
0
-
0
-
1
