Хотугу Атлантикаҕа селедка балыгы бултуур СРТ-129 траулеры Германияҕа таҥмыттара, онтон Аҕа дойдуну көмүскүүр сэрии бүппүтүн кэнниттэн Сэбиэскэй сойууска бэлэхтээбиттэрэ билигин түмэлгэ турар. Бу суудунаннан Калининград балыксыттара аһаҕас акыйааҥҥа тахсан, дойду көмүс хатырыктааҕын саппааһын 11% хааччыйаллара. Траулерга туоннанан былыгы харайаллара, тууһууллара уонна переработкалыыллара.
Аан дойдутааҕы акыйаан түмэлигэр муораҕа уста сылдьыбыт, хараабыллары сэрэтэр «Ирбенскай» маяк, муора хамсыыр харамайын, коралловай рифтары көрдөрөр аквариум, «Пакгауз» урукку порт, Арассыыйа байыаннай флотун устуоруйатын, күүһүн, кыаҕын көрдөрөр тиэхиньикэ арааһа баар. Хотугу муустаах байҕалы чинчийбит «Красин» Аартыка ледокола Атлантика уонна Чуумпу акыйаанынан Владивостокка тиийэ сылдьыбыта диэн киэн тутта кэпсииллэр. Уопсайа түмэл 18 эбийиэктээх, ону барытын биир күн иһигэр кэрийэн бүтэрбэккин, оттон сороҕо Светлогорскайга уонна Санкт Петербурга бааллар.
Ааптар хаартыскаҕа түһэриитэ.
-
0
-
0
-
0
-
0
-
0
-
0
