Учебниктары, тэтэрээттэри уктар чаҕылхай муодунай өҥнөөх, мультиктар ойуулаах үрүксээк тобус-толору, сыаната 1000 солк. саҕаланар, саамай сыаналааҕа 6800 солк., этэргэ дылы ким хайдах хамнастааҕыттан көрөн оҕотун таҥыннарар.
Физкультура уруогар кэтэр кроссовкалар 1000 солк. саҕаланаллар, спортивнай көстүүмнэр 2000 солк. бааллар. Оттон оскуолаҕа кэтэр пуорума, бороҥ, хара, хараҥа күөх дьүһүннээх былааччыйа 2500 солк., маҥан наряднай баартык 1000 солк.
Кыргыттар кэтэр булууһалара 1500 солк., тэлээркэй кылгас дьууппа 1000 солк., киэҥ классическай бүрүүкэ 2000 солк,, уолаттар ырбаахылара 1200 солк., бүрүүкэ 1200 солк. Уол оҕо кэтэр көстүүмэ 2790 солк., тройка 3000-3500 солк. Сорох таҥастарга чэпчэтии диэн суруктаах, 500 солк. булууһа, былааччыйа булуохха син. Былааччыйаны, бүрүүкэни кытта кэтэр экокожа хара түүппүлэ 2000-2500 солк.
Кыһыҥҥы аляска пуховиктары сыанатын 50% чэпчэтэн атыылыыллар, дьиҥнээх түү (пух) дииллэр, сыаната 8000 солк.
«Синар» маҕаһыын дьиэ саҕа улахан балааккалаах, онно киирэ сылдьыбытым таҥастарын сыаната ырыынак киэнинээҕэр быдан сыаналаах уонна хаачыстыбалаах. Кыыс оҕо дьууппата 2990 солк., бүрүүкэтэ 3400 солк., сарапаана 3690 солк., ол эрэн элбэх оҕолоох ыалларга чэпчэтии баар, холобур, 5490 солк. сыаналаах бинсээги 4390 солк. ылыахха сөп. Жилет 2490 солк., чэпчэтиллибит сыаната 1990 солк.
Канцелярскай табаар арааһа манна баар, уруучука 49 солк. саҕаланар, тэтэрээт 45-100 солк.
Онон үчүгэйэ диэн сыана араас дохуоттаах дьоҥҥо сөп түбэһэр, хамнастаах дьон, биллэн турар, оҕолоругар саамай үчүгэйи, сыаналааҕы, хаачыстыбалааҕы ылаллар. Оттон кыра хамнастаах дьон 500 солк. саҕалаан ырбаахы, бүрүүкэ, 1000 солк. кроссовка булуохтарын сөп. Ити курдук ким төһө хамнастааҕынан, кыахтааҕынан таҥнар.
Билигин өссө дьиэ кэргэҥҥэ оҕо төрөөтө даҕаны ийэ хапытаала, оҕо босуобуйата, үһүс оҕоҕо босхо сир учаастага бэриллэр, элбэх оҕолоохторго араас чэпчэтии оҥоһуллар. Хас да оҕолоох ийэлэр оҕо харчыта хамнастан үрдүк диэн этэллэр, онон судаарыстыба дьиэ кэргэни өйүүргэ хаһааҥҥытааҕар даҕаны элбэх көмөнү оҥорор кэмигэр олоробут.
Ааптар хаартыскаҕа түһэриилэрэ.
-
0
-
0
-
0
-
0
-
0
-
0
