Нэһилиэнньэ төһө көхтөөҕүттэн, төһө элбэх киһи уопсай дьыала туһугар кыттарыттан куонкуруска кыайыы улахан тутулуктаах, ону таһынан, ирдэбил быһыытынан, муниципальнай тэриллиилэр кыттыгас үбүлээһиҥҥэ 5 %-тан итэҕэһэ суох үбү угуохтаахтар. Субсидияны ыларга нэһилиэнньэ, эбэтэр спонсордар үптэрин хайаан да угуохтаахтар диэн ирдэбил суох эрээри, маннык түгэҥҥэ кинилэр куонкуруска эбии баалы ылыахтарын сөп.
Олохтоох дьонтон харчыны хомуйуу бырайыак үбүлээһинин үрдэтээри буолбакка, нэһилиэнньэни уопсастыбаннай миэстэни тупсарыыга кытыннарар сыалтан ыытыллар. Кинилэр бырайыак хайдах оҥоһуллан, олоххо киирэрин көрө-истэ сылдьаллар, онтон оҥоһуллубутун кэнниттэн бүтүн турарын хонтуруоллууллар, этэргэ дылы, интэриэстээх буолаллар. Харчынан эрэ кыттыспакка, субуотунньугу ыыттахха, тутуу матырыйаалын, анал тиэхиньикэни хааччыйдахха, куонкуруска эмиэ эбии баал эбиллэр.
2024 сыл бүтүүтэ дьүүллүүр сүбэ быһаарыытынан, 334 сайаапка кыайыылааҕынан биллэриллибитэ, кыайбыт бырайыактар үбүлээһиннэрэ 952 мөл. солк. этэ. Ол иһигэр, өрөспүүбүлүкэ бүддьүөтэ 655 мөл. солк., олохтоох хааһына 197, 4 мөл. солк., нэһилиэнньэ 28,5 мөл. солк., үбүлээччилэр 71 мөл. солк. укпуттара.
Хаартыска: Светлана Колодезникова архыыбыттан.
-
0
-
0
-
0
-
0
-
0
-
0
