Саҥа сокуон быһыытынан, хас биирдии кэммиэрчэскэйэ суох тэрилтэ биитэр аһымал пуондата Судаарыстыба өҥөтүн кэлим порталын көмөтүнэн социальнай ситимнэргэ бэйэтин сирэйин чахчы дьиҥнээҕин-сымыйатын бэрэбиэркэлиир кыахтанна.
– Хас биирдии киһи социальнай ситиминэн кэммиэрчэскэйэ суох тэрилтэлэр сирэйдэригэр киирэригэр, тустаах бэлиэни көрөөт даҕаны, бу сирэй дьиҥнээҕин, киниэхэ итэҕэйиэххэ сөбүн туһунан чопчу өйдүөҕэ уонна бэйэтин үтүө баҕатынан аһымал аахсыйатыгар куттала суох кыттыаҕа, – диэн сокуоҥҥа киллэриллибит көннөрүү туһунан быһаарарыгар Судаарыстыбаннай Дуума кырасдааныскай уопсастыбаны сайыннарыыга, уопсастыбаннай уонна итэҕэл тэрилтэлэрин кытары үлэҕэ кэмитиэтин бэрэссэдээтэлин бастакы солбуйааччы Артем Бичаев этэр.
Дьокутаат бэлиэтээбитинэн, кэммиэрчэскэйэ суох, социальнай хайысхалаах тэрилтэлэр уонна аһымал пуондалара араас түөкүннэр угаайыларыгар киирэн биэрэллэрэ кэнники кэмнэргэ үксээбит буолан, маннык сокуону ылынар ирдэммит.
Социальнай ситимнэргэ албын ыстараныыссалар оҥоһуллаллар, олорунан угуйаннар, түөкүттэр эҥин араас биллибэт, сүрүннээн уодаһыннаах сыалга дьоннор уонна тэрилтэлэр харчыларын үктэтэн ылаллар, – диир Артем Бичаев.
Хаартыска: «Ил Түмэн» хаһыат пуондатыттан.
-
0
-
0
-
0
-
0
-
0
-
0
