Ол курдук Арыйаан Тютрин уонна Бииктэр Рассадин билигин туринр 1/16 финалы аастылар уонна иккис эргииргэ этэҥҥэ таҕыстылар. Маннык үрдүк таһымнаах чөмпүйэнээккэ бу көрдөрүү кылааһы уонна киирсэргэ бэлэми дакаастыыр.
Беларусь аатыттан тустар Арыйаан Тютрин 57 киилэҕэ бастакы киирсиитигэр Алжиртан сылдьар күүстээх тустуугу лаппа сабырыйан 10:1ахсаанынан хоппута.
1/8 финалга Тютрин Кыргызтаан бөҕөһө, Азия чөмпүйэнээтин боруонса призера Абдумалик Карачовтыын киирсиэҕэ. Бу улахан ааттаах-суоллаах, уопуттаах тустуук, Арыйааны билэр, утарылаһааччытын күүстээх, мөлтөх өрүтүн үөрэппитэ буолуохтаах диэн бигэлииллэр. Онон уолбут күүскэ хомунан, тактикатын уларыта сылдьарга, хабарыйсыылаах киирсиигэ бэлэм буолуохтаах, оҥостуохтаах.
Оттон 74 киилэҕэ Бииктэр Рассадин Таджикистантан тустар. Бу иннинэ бөҕөспүт Узбекистаан тустуугун 11:1 ахсаанынан, салгыы Беларусьтан сылдьар утарылаһааччытын 4:1 кыайан чөмпүйэнээт 1/8 финалыгар таҕыста.
Бөҕөспүт билигин Монгуолуйаттан сылдьар 21 саастаах Ган-Эрдэнэ Баатархууну кытта тустан 5:3 ахсаанынан кыайда! Биллэрин курдук, монгуоллар тустуулара үрдүк тиэхиньикэлээх, сылбырҕа уонна дьулурҕа.
Бииктэр аны турнир 1/4 финалыгар аан дойду билиҥҥи чөмпүйүөнэ, Хотугу Кэриэйэ тустууг Хаҥҥа тахсар.
Онон уолаттарбытыгар Арыйаан Тютриҥҥа уонна Бииктэр Рассадиҥҥа ситиһиилэри баҕарабыт!
Хаартыска Дьулурҕан саайтан
-
0
-
0
-
0
-
0
-
0
-
0
