Бу турнирга Беларустьтан, Арассыыйаттан, Хорватияттан, Грузияттан, Таджикистантан, уонна Сербияттэн күрэсчиттэр кытыннылар. Бу күрэх Беларусь тустууктарыгар 2027 сылга Венгрияҕа Будапешт куоракка ыытыллыахтаах Европа чөмпүйэнээтигэр сүүмэрдиир түһүмэх быһыытынан барар.
Александр Гурьев Беларусь түөрт төгүллээх чөмпүйүөнэ буолар. Эдэр бөҕөс тустууга Амма улууһун Бөтүҥ нэһилиэгиттэн саҕалаан дьарыктанар, бастакы тириэньэринэн Кирилл Павлов буолар. Салгыы Дьокуускайга тириэньэрэ Матвей Матвеев салайыытынан дьарыктаммыта. Билигин ССРС уонна Беларусь Өрөспүүбүлүкэтин үтүөлээх тириэньэрэ, Гроднотааҕы судаарыстыбаннай үнэбэрсиэт физичэскэй иитиигэ уонна успуортка хаапыдыратын бэрэпиэссэрэ Вячеслав Максимовичка дьарыктанар. Кини бу турнирга иккитэ тустан кыайда, биирдэ утарсааччыта тахсыбата.
Кэскиллээх тустуук соторутааҕыта Астанаҕа ыытыллыбыт аан дойду чөмпүйэнээтигэр ситиһиилээхтик кыттыбыта .
Ону кытта Минскэйгэ Саха Сириттэн Александр Андреев 24 диэри саастаахтарга 65 киилэҕэ диэри ыйааһыҥҥа туста сылдьар. Кини квалификацияҕа Илья Голынскайы, финал чиэппэригэр Владислав Лукантьевы кыайан полуфиналга таҕыста. Салгыы Минскэй бириэмэтинэн бүгүн киэһэ тустуоҕа.
Алексей МАТВЕЕВ
Хаартыскалар sakhapress.ru Эрхаан КОНСТАНТИНОВ.
-
0
-
0
-
0
-
0
-
0
-
0
