Өлүөхүмэ улууһугар Олонхо Ыһыаҕа уонна Горнай улууһугар “Манчаары оонньуулара-2021” национальнай спорт көрүҥнэрин XXI спартакиадата буолалларынан сибээстээн, 2020 сыл от ыйын 1 күнүгэр ылыллыбыт СӨ баһылыгын 1293 №-дээх “Саха Өрөспүүбүлүкэтигэр коронавируһу утары миэрэлэр уонна уһулуччу бэлэм олоруу эрэсиимэ” ыйааҕар уларыытылар киирдилэр. Ол курдук, бу тэрээһиннэр СӨ кылаабынай санитарнай бырааһынан уонна тэрийэр хамыыһыйалар бэрэссэдээтэллэринэн бигэргэммит санитарнай боротокуолларынан бараллара этиллэр. Бу боротокуолларга тэрээһиннэр хайдах куттала суох усулуобуйаларга ыытыллаллара уонна профилактическай миэрэлэр ыйыллаллар: тэрийээччилэр, администратордар уонна кыттааччылар эбээһинэстэрэ чопчуланаллар. Докумуоннарга этиллэринэн, тэрээһиннэр кыттааччылара булгуччу коронавируһу утары быһыылаах буолуохтаахтар, култуурунай тэрээһиннэр кыттааччыларын уонна көрөөччүлэрин ахсаана трибуната миэстэтин аҥаарын эрэ ылыахтаахтар. Маны сэргэ, коронавирустаах киһи көһүннэҕинэ, тэрийээччилэр туох миэрэлэри ылыахтаахтара этиллэр.
Кылаабынай санитарнай быраас киллэрбит саҥа быраабылатынан, 14-гэр диэри саастаах оҕолор атыы-эргиэн кииннэригэр, ырыынактарга, дьаарбаҥкаларга уонна уопсастыбаннай аһыыр сирдэргэ төрөппүтэ суох сылдьаллара көҥүллэммэт буолла. Маны таһынан, Дьокуускай, Мииринэй уонна Удачнай куораттар аэропортарыгар хас биирдии айанньыт температуратын мээрэйдиэхтэрэ. Өскөтүн киһи 37,1 кыраадыстан үөһэ температуралаах буоллаҕына, тута олорор сирин балыыһатыгар кини туһунан тустаах иһитиннэриилэри ыытар буолуохтара.
Маскалаах сылдьыы уонна социальнай ырааҕы тутуһуу эрэсиимэ от ыйын 15 күнүгэр диэри салгыы уһаата. СӨ Ил Дарханын ыйааҕын кытта сиһилии мантан билсиҥ.
Ил Дархан уонна Бырабыыталыстыба пресс-сулууспатын матырыйаалынан.
Хаартыска интэриниэт ситимиттэн.
-
0
-
0
-
0
-
0
-
0
-
0
