«Заря Яны» Усуйаана улууһун хаһыатын кэрэспэдьиэнэ Алексей Вербицкэй иһитиннэрбитинэн, истиилэр көдьүүстээхтик ааспыттар. Эспиэртэр сылаайданан көрдөрө-көрдөрө быһаарбыттар.
Аһаҕас истиилэргэ кыттыбыт дьон атомнай ыстаансыйаны тутууну сүнньүнэн өйөөбүттэр. Ону сэргэ кэккэ этиилэр киирбиттэр. Холобур, Хаһааччыйа сэлиэнньэтигэр аттынааҕы нэһилиэктэргэ олорор дьону мунньан, экологияҕа куттал суоҕун туһунан быһаарыы үлэтин ыытарга. Эбэтэр уопсастыбынньыктары билигин үлэлиир атомнай ыстаансыйаҕа сырытыннаран, реактор нэһилиэнньэҕэ кутталы аҕалбатын көрдөрөргө.
Аһаҕас истиилэр кэмигэр ыстаансыйаны тутар хампаанньа бэрэстэбиитэллэригэр, эспиэртэргэ 60 ыйытыы киирбитигэр, барыларыгар эппиэт бэриллибит. Түмүгэр кэтиир сэбиэт чилиэннэрэ аһаҕас истиилэр бары ирдэбилгэ эппиэттиир курдук ыытыллыбытын уонна атомнай ыстаансыйа тутулларын биһирииллэрин биллэрбиттэр. Билигин бырайыак дьылҕата ирдэнэр бэрэбиэркэни хайдах ааһарыттан тутулуктаах. Ол эрээри «Росатом» исписэлиистэрэ тутуу бырайыага РФ сокуонугар эппиэтиир курдук оҥоһуллубутун, тулалыыр эйгэҕэ кутталы аҕалбатыгар эрэннэрэн туран, ыстаансыйа бырайыага олоххо киирэригэр эрэллээхтэр.
-
0
-
0
-
0
-
0
-
0
-
0
