Кэлиҥҥи кэмҥэ туохха барытыгар сыана үрдээн, судаарыстыба нэһилиэнньэ кыра дохуоттаах араҥатын өйүөхтээҕин туһунан РФ Бэрэсидьиэнэ Владимир Путин «Биир ньыгыл Арассыыйа» баартыйа бэрэстэбиитэллэрин кытары көрсүһүүтүгэр эттэ. «Биэнсийэлээхтэргэ 10 тыһыынча солкуобай кээмэйдээх биир кэмнээх көмөнү оҥорор туһунан этиилээхпин», -- диэтэ.
Бу көмө миэрэтэ биэнсийэни ылар дьоҥҥо барыларыгар сыһыаннаах: үлэлиир, үлэлээбэт биэнсийэлээхтэргэ уонна биэнсийэҕэ тахсыбыт байыаннайдарга оҥоһуллуохтааҕын кини тоһоҕолоон бэлиэтээбит.
Маны таһынан Владимир Путин сыл бүтүүтэ байыаннай сулууспалаахтарга 15 тыһыынча солк. кээмэйдээх биир кэмнээх көмө оҥоһуллара сөптөөҕүн ыйбыт.
-
0
-
0
-
0
-
0
-
0
-
0
