Ол туһунан Уһук Илиҥҥи федеральнай уокурукка РФ Бэрэсидьиэнин боломуочуйалаах бэрэстэбиитэлэ Юрий Трутнев Илиҥҥи экэнэмиичэскэй VI форум түмүгүнэн пресс-конференцияҕа иһитиннэрбит.
«Быйыл бу бырагыраамаҕа учууталлар уонна быраастар кытталларын туһунан дьаһалы олоххо киллэрэ сатыахпыт», -- диэбит.
Санатар буоллахха, ипотеканы Уһук Илиҥҥэ олохтоох, 35 сааһыгар диэри ыал дьон эбэтэр сокуоннай сааһын туола илик оҕолоох соҕотох төрөппүт ылар кыахтаахтар. Ону таһынан маннык чэпчэтиини “Уһук Илин гектара” бырагыраамаҕа кыттан, тустаах эрэгийиэҥҥэ көһөн кэлбит, босхо гектар бырагырааматынан сир ылбыт олохтоох ыаллар туһаналлар. Кинилэргэ сааһынан хааччах суох.
«Уһук Илин ипотеката» федеральнай бырагыраама үлэлиэҕиттэн Саха сиригэр 4,1 тыһ. тахса ипотека дуогабара түһэрсиллибит.
Саха сирэ Арассыыйа үрдүнэн маннык ипотеканы көхтөөхтүк туттубут 4 бастакы эрэгийиэҥҥэ киирсибит. Бастакы миэстэҕэ 23 млрд солк. суумалаах 5749 кирэдьиити биэрбит Приморье сылдьар эбит
-
0
-
0
-
0
-
0
-
0
-
0
