Мунньах кэмигэр СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрбитинэн, Саха сиригэр тырааныспарга, чуолаан муниципальнай оптуобустарга QR систиэмэни киллэрии былааннаммат.
- Биһиги, СӨ Ил Дархана Айсен Николаевы кытта тырааныспарга QR-код систиэмэни киллэрэр туһунан кэпсэппиппит. Өрөспүүбүлүкэ баһылыга «итинник дьаһалы, чуолаан Саха сиригэр, муниципалитеттар ардыларыгар сылдьар уонна муниципальнай оптуобустарга ылынар адьас кыаллыбат» диэн туһаайыыны олох чуолкайдык тутуһар. Оттон QR- код систиэмэ ирдэммэт сирдэригэр, санитарнай- эпидемиологическай быраабылалар уонна нормативтар булгуччуу тутуһуллуохтаахтар. Билиҥҥи туругунан, холобур, ыарыы тарҕамматын туһуттан тырааныспар иһигэр ким, хайдах быһыылаах хонтуруол ыытыаҕтааҕын тутуһан кэпсэтии барар. Бу боппуруос күүстээх хонтуруолга турар, нэдиэлэ ахсын Дьокуускай куорат баһылыгын Евгений Григорьев уонна сорох оройуоннар баһылыктарын отчуоттарын истэбит, - диэтэ Ольга Балабкина.
-
0
-
0
-
0
-
0
-
0
-
0
