Издательский дом Редакция Подписка
Погода в Якутске: . 18 oC

Убаастабыллаах Сахам сирин дьоно!

Убаастабыллаах Сахам сирин дьоно!

Саха Өрөспүүбүлүкэтин Ил Түмэнин уонна тус бэйэм ааппыттан сүрүн судаарыстыбаннай бырааһынньыкпытынан – Россия күнүнэн ис сүрэхпиттэн эҕэрдэлиибин!

Бэс ыйын 12 күнэ, 1990 сыллаахха РСФСР норуодунай дьокутааттарын маҥнайгы сийиэһэ Россия суверенитетын туһунан декларацияны ылыммыта 2 сыл ааспытын кэнниттэн, 1992 сылга судаарыстыбаннай бырааһынньык буолбута. 2002 сылга бырааһынньык Россия күнэ диэн официальнай ааттамыта.

Россия – араас норуоттар дьылҕалара, баай култууралара үйэлэр тухары хатыһан кэлбит киһини сөхтөрөр сүдү дойду. Россия Федерациятын Бэрэсидьиэнэ Владимир Владимирович Путин эппитэ: «Хас биирдии омук, хас биирдии этнос үгэһэ, абыычайа, тыла — Россия букатыннаах күндү баайа, ону харыстыыр уонна элбэтэр — биһиги иэспит буолар».

Владимир Путин инаугурация кэннэ «2030 сылга диэри кэмҥэ уонна 2036 сылга диэри барылга Россия Федерациятын сайдыытын национальнай сыалларын тустарынан» маҥнайгы ыйаахха илии баттаабыта. Дойдубут устуоруйатыгар киэҥ хабааннаах докумуоннартан бу биирдэстэрэ буолар. Бу ыйаах, омуннаабакка эттэххэ, Россия хас биирдии олохтооҕун таарыйар. Ону булгуччулаахтык толоруу – былаас бары таһымын бастыҥ соруга буолар. Бэрэсидьиэн кэлэр уон сылга сайдыы национальнай сыалларын быһаарбыта, бу суолга ситиһиллиэхтээх чопчу көрдөрүүлэри туруорбута. Олоххо киллэриэхтээх саҥа национальнай бырайыактарбыт ааттаммыттара. Дьадаҥы буолуу таһымын намтатыыга, дохуоту үрдэтиигэ, олоҕу уһатыыга, доруобуйа харыстабылын систиэмэтин сайыннарыыга улахан садаачалар тураллар. Сүнньүнэн, итини социальнай кэскилгэ тосхоллонуу курдук сыаналыахха сөп.

Национальнай идиэйэлэртэн биирдэһэ – хас биирдии киһи ис кыаҕын олоххо киллэрии, талаанын сайыннарыы, патриоттуу санаалаах уонна социальнай эппиэтинэстээх лиичинэһи иитии. Бэйэтин көрдөрүөн баҕарар, норуотун туһугар кырдьыктаахтык сулууспалыырга, ситиһиилэнэргэ бэлэм дьоҥҥо Россия хаһан баҕарар кыах биэрэр дойду этэ уонна оннук буолуоҕа даҕаны диэн эрэллээхпин.

Бүгүн – дойдубутун киэн туттар, эрэнэр, билиҥҥи уонна инники кэм туһугар тус эппиэтинэһин өйдүүр, Россияны көмүскүүр, харыстыыр, суверенитетын бөҕөргөтүүгэ кылаатын киллэрэр дьон бырааһынньыга. Кинилэр конституционнай тутул төрүттэрин көмүскүүллэр, дойду оборонатын, куттала суох буолуутун, доруобуйаны, сиэри, дьиэ кэргэҥҥэ амарах кыһамньыны хааччыйаллар.

Үгэһи тутуһуу, удьуор утума, сиэр-сигили үрдүкү тосхоллоро – бу уопсай историческай суолбут, уопсай Дойдубут – тапталлаах Россиябыт улуу үтүөлэрин оҥоруу суола. Биһигини туох да өмүтүннэрбитин иһин, Россия элбэх омуктаах норуотун тыына сомоҕо, бөҕө буолара мэлдьи уларыйбакка хаалар.

Убаастабыллаах биир дойдулаахтарым! Россия күнүнэн!

Алексей Еремеев,

Саха Өрөспүүбүлүкэтин

Ил Түмэнин Бэрэссэдээтэлэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22