Бу сыалтан өрөспүүбүлүкэ сиригэр-уотугар тырааныспар бары көрүҥүнэн айаннаан кэлээччилэр, ону сэргэ коронавирус ыарыытыгар сыстыбыттары кытта ыкса сибээстэспит дьон итиэннэ кинилэри кытта бииргэ олорор гражданнар күҥҥэ иккитэ ECOR112 нүөмэртэн смс-иһитиннэрии туталлар.
Ити нүөмэртэн иһитиннэриини ыллахха, гражданнар 5 мүнүүтэ иһигэр 112 нүөмэргэ смс-иһитиннэрии ыытар эбээһинэстээхтэр. Оччоҕуна 112 система дьиэҕэ бэйэ булгуччулаах олоруутун режимэ кэһиллэрин эбэтэр тутуһулларын бэлиэтээн, киһи ханна баарын быһаарар кыаҕы биэриэҕэ. Гражданнары кэтээһин бу системата полиция уорганнарын үлэтин чэпчэтэр, гражданнар дьиссипилиинэлэрин үрдэтэр, коронавирус ыарыылаах гражданнартан ыарыы сыстар кыаҕын намтатар аналлаах.
Суһал үлэлээх ыстаап санатарынан, бэйэ дьиэҕэ олоруутун режимин кытаанахтык тутуһуу эрэ ыарыыга сыстыыны балачча аччатыан сөп.
-
0
-
0
-
0
-
0
-
0
-
0
