Олунньу 16 күнүгэр күнүгэр Судаарыстыбаннай Дума үһүс ааҕыыга «Бааннар уонна бааннар дьыалара», «Коррупция утары дьаһаллар» сокуоннарга көннөрүүлэри ылынна.
«Ылыллыбыт сокуон судаарыстыба дохуотугар чунуобунньуктар, госкорпорациялар уонна атын структуралар үлэһиттэриттэн, уонна кинилэр дьиэ кэргэннэрин чилиэннэриттэн хантан кэлбитэ биллибэт дохуоту судаарыстыба туһатыгар тутар кыах баар буолла. Бу 10 тыһыынча солкуобайтан тахса үп буоллаҕына», — диэн Госдума коррупция утары кэмитиэтин бэрэссэдээтэлэ Василий Пискарев эттэ.
Парламентарий санатарынан, билиҥҥи сокуонунан коррупциянан ылыллыбыт сир учаастактарын, дьиэни-уоту, массыыналары уонна сыаналаах кумааҕылары судаарыстыба тутар бырааптаах. Мантан ыла аны счеттарга баар хантан кэлбитэ, сокуоннайа суох харчыны тутар буолуохтара.
Булгуччулаах докумуоннары ирдииринэн дойду генеральнай прокурора уонна киниэхэ бас бэринэр прокурордар дьарыктаныахтара. Кинилэр счеттары бэрэбиэркэлиэхтэрэ, суукка докумуоннары тиэрдиэхтэрэ.
-
0
-
0
-
0
-
0
-
0
-
0
