– Федеральнай сокуон быһыытынан, дьиэ кыыла (ыт, куоска...) кинини аһатар-сиэтэр, көрөр-истэр хаһаайын бас билиитэ буолар. Онуоха атын гражданнар интэриэстэрэ күөмчүлэммэтин хаһаайын хааччыйар эбээһинэстээх.
Дьиэ кыылын иитии, көрүү-истии быраабылатын кэһии (ол иһигэр, сыт-сымар тахсарын) иһин, хаһаайын эппиэккэ тардыллар. Административнай кэһиилэр тустарынан федеральнай кодекс 63-с ыстатыйатын 1-кы чааһыгар олоҕуран, нэһилиэнньэ санитарнай-эпидемиологическай өттүнэн туруктаах буолуутун кэһии иһин 100-500 солк. суумалаах ыстараабы төлүүр. Онон, өскөтүн бу ирдэбили толорбот, ыттарыҥ уйаларын уонна сылдьар сирдэрин кэмигэр итиэннэ үчүгэйдик ыраастаабакка, сыт-сымар тахсар түбэлтэтигэр, ыалларыҥ хонтуруоллуур уорганнарга тустаах дьаһалы ыларга көрдөһөн суруйар бырааптаахтар.
-
0
-
0
-
0
-
0
-
0
-
0
