Уларытыы «Байыаннай эбээһинэс уонна байыаннай сулууспа туһунан» сокуоҥҥа көрүллүөҕэ.
Сокуон барылынан, болдьохтоох сулууспаҕа ыҥырыллыан эбэтэр быстах хомуур биллэриллиэн иннинэ икки уонна онтон элбэх оҕолордоох, быстах хомуур биллэриллибитин кэнниттэн биир сыл устата «элбэх оҕолоох ыал» статуһун ылбыт, онон сибээстээн эрдэ хомуур болдьоҕун уһатар быраабы кыайан туһамматах байыастар сулууспаттан босхолонуохтара. Сокуон барылын киллэрээччилэр мобилизацияланан уонна контрагынан барбыттар биир сыл устата сулуусапалаабыт буоллахтарына босхолонуохтарын сөбүн бэлиэтииллэр.
Бу иннинэ Арассыыйа Бэрэсидьиэнэ “Аҕа дойдуну көмүскээччилэр” пуонда үлэһиттэрин уонна туһанааччыларын кытта көрсүһүү түмүгүнэн сорудахтары бигэргэтэригэр, сүрүн болҕомтону Анал байыаннай дьайыы кыттыылаахтарын уонна кинилэр дьиэ кэргэттэрин өйөөһүҥҥэ уурарга эппитэ.
Ону таһынан, бүгүн иһитиннэрбиттэринэн Арассыыйа Бэрэсэдьиэнин ыйааҕынан РФ Судаарыстыбаннай Сэбиэтин иһинэн бойобуой дьайыылар бэтэрээннэрин - Анал байыаннай дьайыы кыттыылаахтарын уонна кинилэр дьиэ кэргэттэрин өйөөһүн боппуруостарынан дьарыктанар хамыыһыйа тэрилиннэ. Ол туһунан кулун тутар 17 күнүгэр ыытыллыбыт брифиҥҥэ СӨ Бырабыыталыстыбатын бэрэссэдээтэлин солбуйааччы Георгий Степанов биллэрдэ уонна бу хамыыһыйа үлэтэ федеральнай, эрэгийиэннээҕи былаас уорганнарын уонна анал пуондалар өйүүр уонна көмөлөһөр хайысхаларын түмэн, биир соруктаахтык ыытарга туһуланар диэн бэлиэтээтэ.
Ил Түмэн пресс-сулууспата
Хаартыска: ЯСИА
-
0
-
0
-
0
-
0
-
0
-
0
