Наталья Семеновна Захарова Саха Өрөспүүбүлүкэтин үөрэҕириитин туйгуна, СӨ Бэрэсидьиэнин Гранын кыайыылааҕа, педагогическай үлэһиттэр куонкурустарын кыайыылааҕа (2013), Ил Түмэн Бочуоттаах Грамотата наҕараадалаах,, “Дьиэ кэргэн бэлиитикэтигэр кылаатын иһин” бэлиэ хаһаайката (2017). Ааспыт сылга саҥа олохтоммут “СӨ психологическай сулууспатын туйгуна” бэлиэни кытта сэттис нүөмэрдээх дастабырыанньаны туттарбыттара эмиэ үлэтин биһирэбилэ. Элбэх дипломнарынан, грамоталарынан наҕараадаламмыт, тэрилтэтигэр улахан аптарытыаттаах, билиилээх үлэһит.
Наталья Семеновна «Берегиня» дьиэ кэргэҥҥэ иитиигэ көмөлөһөр киин арыаллааһыҥҥа отделын начаалынньыга. Идэтинэн педагог-психолог, клиническэй психолог, үрдүк категориялаах. Бу тэрилтэҕэ эҥкилэ суох үлэлээбитэ номнуо 14-с сыла.
Бу идэҕэ оҕолору ис сүрэҕиттэн таптыыр, хас биирдилэрэ дьиэ кэргэҥҥэ улаатарыгар ураты истиҥ сыһыаннаах киһи кэлэрэ саарбаҕа суох. Наталья Семеновна олус сэмэйдик үлэтин туһунан кэпсиир: “Биһиги сыалбыт – төрөппүтэ суох оҕо кыһалҕатыгар үлэлэһии. Өссө биир суолталаах хайысхабыт – иитиигэ ылар төрөппүттэри анал оскуолаҕа үөрэтии. Хас биирдии оҕо дьиэ кэргэҥҥэ иитиллиэхтээх. Онон кыһалҕаҕа түбэспит төрөппүттэр бириэмэтигэр хаачыстыбалаах уонна үрдүк таһымнаах көмөнү ылыахтаахтар. Отой табыллыбат түгэнигэр, салгыы эппэкииннэри уонна оҕону иитэ ылааччылары бэлэмнииргэ күүскэ ылсан үлэлиибит. Салгыы дойдубутугар оҕо тулаайах хаалыытын ахсаанын аччатарга баар былааннарбытын олоххо киллэрэн иһэбит», – диэн санаатын үллэһиннэ.
-
0
-
0
-
0
-
0
-
0
-
0
