-- Атырдьах ыйын 7 күнүгэр Табаҕа таһыгар баар Быһыттаах диэн сиргэ уот турбута. Бүгүҥҥү туругунан улууска уот 44 га сири ылла. Табаҕаҕа ТЛ-4 тыраахтыр уонна «Якутлесресурс» биэс үлэһитэ бардылар. Бэҕэһээ Майаттан бэйэ баҕатынан 3 эдэр дьон көмөҕө кэлбитэ. Баһаары утары 42 киһи, 3 тиэхиньикэ үлэлиир.
Эмиэ атырдьах ыйын 7 күнүгэр Суола сэлиэнньэтин таһыгар уот турбута, билигин сэлиэнньэттэн 11 км сиргэ умайар. Манна 30 киһи уонна 4 тиэхиньикэ үлэлиир. Аны Чурапчы улууһугар турбут баһаар кутталы үөскэтэр. Уот тарҕаныытын тохтоторго икки улуустан баҕа өттүнэн биригээдэҕэ кыттыспыт 159 киһи үлэлиир. Тэрилтэлэр тиэхиньикэлэринэн көмөҕө кэлэллэр. Сухалаах тыраахтыр, уу таһар массыына, УАЗ массыыналар уоту кытта охсуһууга тутуллаллар. Баһаар ылбыт сирин иэнэ 1000 га буолла уонна икки хайысханан тарҕанан эрэр. Биирэ Дьабыыл нэһилиэгин, иккиһэ Алтан, Моорук нэһилиэктэрин диэки салайда. Бу баһаардары кытта охсуһууга эбии 9 киһи уонна тыраахтыр көмөҕө кэллэ.
Биһиги тэрилтэбит үлэһиттэрэ ойуур баһаарын утары үлэҕэ көхтөөхтүк кытталлар. Уот турбут сиригэр дьону таһыыга, үнүстүрүмүөнүнэн, эрбии, помпа уонна да атыттарынан хааччыйыыга көмөлөһөбүт. Улуус дьаһалтатын кытта быһаччы үлэлиибин.
Амма улууһугар баар «Амма» диэн ураты харыстанар сиргэ эмиэ баһаар турда. Бу күннэргэ онно үлэһиттэрбин илдьэ көмөҕө барыахтаахпын. 740 тыһ. га сир онно киирсэр. Баһаар киэҥник тарҕамматын туһугар күүстээх кэтэбил үлэтин тустаах исписэлиистэри кытары ыытыахпыт.
-
0
-
0
-
0
-
0
-
0
-
0
