«Биэс киһи ойуур баһаара туруутугар буруйдаахтар. Олортон иккитэ Уус Алдаҥҥа, биирдии киһи Үөһээ Дьааҥы, Мэҥэ Хаҥалас уонна Эбээн Бытантай улуустарыгар билиннилэр. 22 буруйданааччы ландшафтнай уот туруутугар кыттыгастаах. Саамай элбэх 11 буруйдааҕы Үөһээ Дьааҥы, ону сэргэ Бүлүү, Амма, Мэҥэ Хаҥалас, Кэбээйи, Горнай уонна Усуйаана улуустарыгар буллулар», - диэн СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтигэр иһитиннэрдилэр.
Маны таһынан, РФ Административнай быраабы кэһии туһунан кодексын 8.32 ыстатыйатынан, тыаҕа баһаартан сэрэхтээх буолуу быраабылатын кэһии иһин 62 административнай боротокуол оҥоһулунна.
Патруллааһын кэмигэр иниспиэктэрдэр сэрэхтээх буолуу дьаһалларын туһунан 4977 сэрэтэр инструктааһы ыыттылар, ойуурга баһаар куттала суох буолуутун миэрэлэрин тутуһуу туһунан 3792 өйдөтөр иһитиннэриилээх листиэпкэлэри тарҕаттылар.
Саха Сирин Минэкологиятыгар өрөспүүбүлүкэҕэ ойуур баһаарын хонтуруоллааһын уонна эрдэттэн сэрэтии суолталааҕын тоһоҕолоон бэлиэтээтилэр. Иниспиэктэрдэр нэһилиэнньэни кытта бииргэ үлэлээһиннэрэ эрэгийиэн тыатын харыстыырга сүрүн оруолу ылар.
Сиһилии: https://www.sakha.gov.ru/news/4908
Иһитиннэрии уонна хаартыска: СӨ Ил Дарханын уонна Бырабыыталыстыбатын пресс-сулууспата
-
0
-
0
-
0
-
0
-
0
-
0
