--Мэҥэ Хаҥалас улууһун Баатара нэһилиэгин сиригэр-уотугар уот турбута 4-с күнэ. Чурапчы уонна Мэҥэ Хаҥалас ыпсыыта буолан, икки суһал ыстаап дьоно үлэлииллэр. Уонтан тахса нэһилиэктэн волонтердар, доброволецтар кэлэннэр үлэлии-хамсыы сылдьаллар. Нэһилиэк баһылыктара бэйэлэрэ эмиэ тэҥҥэ баһаарга сылдьыһаллар. Уот 1500 тыһыынчаттан тахса улахан гектардаах сиргэ тарҕанан эрэр. Соҕуруулуу илинтэн күүстээх баҕайы тыаллаах. Инньэ гынан уоту эккирэтии бара турар даҕаны, өссө да кыайтара илик. Бу халыҥ систэри быһан, улахан тиэхиньикэлэринэн хайытан, түүннэри-күнүстэри дьуһуурустубалаан, баһаары кэтээн, утары уоту ыытан, күүстээх үлэ бара турар. Билиҥҥитэ балаһыанньа итинник.
Сүрдээх кураан, тыаллаах курас күннэр-дьыллар турбуттарынан, умуруорарга уустук. Ол гынан баран, күүдэпчилэммит уоту кэмигэр тохтотон, нэһилиэнньэлээх пууннарга суоһуурун туттубут, салгыы барбатын курдук үлэлиибит. Өргөннөөххө 10-тан тахса дьиэ баар. Уоттан көмүскээтибит. Атын бөһүөлэктэргэ барыытын тутуохпутун наада. Нэһилиэктэртэн дьон-сэргэ кэлэн, күүс-көмө буолара наада.
-
0
-
0
-
0
-
0
-
0
-
0
