Судаарыстыбаннай Дуума туризмҥа уонна туристическай инфраструктураны сайыннарыыга кэмитиэтин дэлэгээссийэтэ өрөспүүбүлүкэ туристическай эбийиэктэрин билсэр, туристическай бэлиитикэни олоххо киллэрии, туризм эйгэтигэр кэлим сыһыаны олохтооһун боппуруостарыгар, итиэннэ федеральнай сокуоннар барылларын бииргэ ырытан оҥорорго кэпсэтиилэри тэрийэр соруктаах.
Ол курдук, ыам ыйын 20 күнүгэр сарсыарда өттүгэр Ил Түмэҥҥэ Судаарыстыбаннай Дуума туризмҥа уонна туристическай инфраструктураны сайыннарыыга кэмитиэтин көһө сылдьар мунньаҕа буолуоҕа.
Ыам ыйын 21 күнүгэр Судаарыстыбаннай Дуума туризмҥа уонна туристическай инфраструктураны сайыннарыыга кэмитиэтин бэрэссэдээтэлэ Сангаджи Тарбаев (уруккута КВН сулуһа) уонна кини бастакы солбуйааччыта Николай Валуев (аатырбыт спортсмен, боксер) Горнай улууһугар, Бэс Күөл сэлиэнньэтигэр сылдьыахтара. Санатан эттэххэ, Николай Валуев, Судаарыстыбаннай Дуума экологияҕа уонна тулалыыр эйгэҕэ кэмитиэтин бэрэссэдээтэлин солбуйааччы быһыытынан, былырыын күһүн ойуур баһаарыттан тахсыбыт хоромньуну чөлүгэр түһэрии үлэтин билсэ, Бүтүн Арассыыйатааҕы норуот фронун ыччаттарын волонтердарын хамаандатын илдьэ кэлбитэ, Бэрдьигэстээххэ уонна Бэс Күөлүгэр сылдьыбыта.
-
1
-
0
-
0
-
0
-
0
-
0
