Атыыттан тахсыбыт табаар, ол иһигэр судаарыстыбаннай регистрацияны ааспатах, пестицидтар уонна агрохимикаттар судаарыстыбаннай каталогтарыгар киирбэтэх табаар карточкатын таһаарар бобуллар. Арассыыйаҕа көҥүллэммэтэх БАДтар, эмтэр, мэдиссиинэ тэрилин атыыга таһаарар эмиэ хааччахтанар.
Былаһааккалар атыылаһааччы кимин-тугун Судаарыстыбаннай өҥө порталын «Госуслуги» уонна урбаанньыттар реестрдэрин нөҥүө бэрэбиэркэлиэхтээхтэр. Өскөтүн маркетплейс бэйэтэ билэринэн дуогабары уларыттаҕына, партнерун кырата 15 күн иннигэр сэрэтиэхтээх. Ону таһынан, атыыһыт сокуону кэһэр түгэнигэр, эбэтэр кини аккаунун үһүс сирэйдэр бас биллэхтэринэ, оперетор тус кабинеты сабар, табаар карточкатын сотор бырааптаныаҕа.
Куйаар ситимигэр үлэлиир платформаҕа ыйыллыбыт ирдэбили кэстэхтэринэ, ыстараабы төлөтүөхтэрэ. Ол туһунан 295 №-дээх сокуону 2026 с. атырдьах ыйын 4 күнүгэр ылыммыттара алтынньы 1 күнүттэн олоххо киирэр.
Платформа оператора табаар карточкатыгар баар суругу бэрэбиэркэлээбэккэ таһаардаҕына, дуоһунастаах дьону 30 000 – 80 000 солк., юридическай сирэйдэри 50 000 – 100 000 солк. ыстарааптыахтара. Атыыһыт суотугар сыананы сокуоннайа суох түһэрдэхтэринэ ыстараап: дуоһунастаах дьоҥҥо 30 000 – 80 000 солк., хампаанньаларга 100 000 – 300 000 солк. Ол туһунан «Парламентская газета» тустаах саайта иһитиннэрэр.
Эрэдээксийэ хаартыскаҕа түһэриитэ.
-
0
-
0
-
0
-
0
-
0
-
0
