Владимир Прокопьев – Ньурбаҕа
Издательский дом Редакция Подписка
Погода в Якутске: . 19 oC

Кулун тутар 23 күнүгэр Ил Түмэн судаарыстыбаннай тутулга уонна олохтоох бэйэни салайыныыга сис кэмитиэтин бэрэссэдээтэлэ Владимир Прокопьев Ньурба улууһун Хатыы, Малдьаҕар, Маалыкай уонна Чукаар нэһилиэнньэлэрин кытта көрүстэ.

Кулун тутар 23 күнүгэр Ил Түмэн судаарыстыбаннай тутулга уонна олохтоох бэйэни салайыныыга сис кэмитиэтин бэрэссэдээтэлэ Владимир Прокопьев Ньурба улууһун Хатыы, Малдьаҕар, Маалыкай уонна Чукаар нэһилиэнньэлэрин кытта көрүстэ.

Норуот дьокутаата тыа сирин олохтоохторугар парламент 2021 сыллааҕы үлэтин-хамнаһын сүрүн түмүктэрин уонна олохтоох салайыныы сокуонугар уларытыылар киирэллэрин туһунан иһитиннэрдэ. Ону сэргэ билиҥҥи усулуобуйаҕа өрөспүүбүлүкэ социальнай-экэнэмиичэскэй балаһыанньатын сырдатта.

WhatsApp Image 2022 03 23 at 15.14.28

Ньурбалар кэнники сылларга кураан дьыллар тураннар, чугаһынааҕы күөллэр уулара уоланнар, ыраас иһэр уунан хааччы­йыы боппуруостарын ыйыталастылар. Ордук кыһалҕалаах боппуруоһунан нэһилиэккэ чугас эргин оттуур ходуһа суоҕун ыйдылар. Маны сэргэ олохтоохтору гаастааһын уонна сыл ахсын уоту араа­рыы ыытылларынан, «Сунтаар-Ньурба» ВЛ-220 уот лииньийэтин тутуутун болдьоҕо долгутар. Сүөһү иитиитинэн дьарыктанааччылары сүөһү, сылгы ахсааныгар дотацияны элбэтии, ону тэҥэ үүтү туттарыы сыанатын үрдэтии боппуруостара интэриэһиргэтэр. Бу туһунан Хатыы сэлиэнньэтин баһылыга Егор Васильев эмиэ этиннэ. Владимир Прокопьев аан дойдуга баар балаһыанньаны учуоттаан, бөдөҥ эбийиэктэри тутууну үбүлээһиҥҥэ балачча уларыйыылар тахсаллара күүтүллэрин туһунан быһаарда:

— Тыа хаһаайыстыбатын салаатын сайыннарыыга СӨ Ил Дархана Айсен Николаев этиитинэн, 2022 сыллааҕы бүддьүөккэ эбии 1,5 млрд солк. үп  көрүллүбүтүн тоһоҕолоон бэлиэтиир наада. Билигин тыа хаһаайыстыбатын өйөбүлүгэр парламеҥҥа уонна бырабыыталыстыбаҕа саҥа мэхэньиисими олоххо киллэриигэ күүстээх үлэ барар, - диэтэ парламентарий.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13