Бу күннэргэ Саха Сирин аграрнай комплексыгар холобур буолар хаһаайыстыбаҕа бэрт бэлиэ түгэн буолан ааспытын норуот дьокутаатын https://vk.com/wall533632267_224 телеграм-ханаалыгар таһаарбытыттан билсиэххэ сөп. 
«Күндү доҕоттор!Ахсынньы 6 күнүгэр нэһилиэкпитигэр “Үрүҥ илгэни дэлэтэн” диэн Үлэ сылын түмүктүүр үөрүүлээх тэрээһиммитин этэҥҥэ тэрийэн ыыттыбыт. Элбэх ыалдьыты көрүстүбүт. Үлэ-хамнас хаамыытын билиһиннэрдибит. Былааннары торумнаатыбыт. Бастыҥ үлэһиттэрбитин чиэстээтибит. Олус истиҥ, сэргэх көрсүһүү буолан ааста.Ол курдук биһиэхэ Саха Өрөспүүбүлүкэтин бырабыыталыстыбатын бэрэссэдээтэлин солбуйааччыта Сергей Васильевич Местников, СӨ спортка уона физическэй култуураҕа миниистирэ Леонид Николаевич Спиридонов, СӨ тыа хаһаайыстыбатын миниистирин солбуйааччыта Сахайаана Афанасьевна Павлова, биир идэлээхтэрим, Ил Түмэн дьокутаата, «Саха» НКИХ генеральнай дириэктэрэ Олег Олегович Марков, СӨ ветеринария департаменын салайааччыта Игнатий Владимирович Колодезников, Хаҥалас улууһун баһылыгын эбээһинэһин толорооччу Василий Емельянович Андреев, Хачыкаат нэһилиэгин баһылыга Ирина Викторовна Оболкина, 1-Дьөппөн нэһилиэгин баһылыга Андрей Андреевич Яковлев кэлэн ыалдьыттаатылар. Бу күн биһиги биир дойдулаахпытын, анал байыаннай дьайыы кыттыылааҕын, медицинскэй сулууспа лейтенанын, 1 батальон мэдиссиинэ взводун хамандыырын, “За спасение погибавших”, “Воинская доблесть 2 степени” мэтээллэр, “Знак отличия 49 армии”, “За самоотверженность” бэлиэлэр хаһаайыннарын, 1 квалификациялаах психиатр-нарколог бырааһы Валерий Валерьевич Алексеевы ытыс тыаһынан айхаллыы көрүстүбүт.Тыа хаһаайыстыбатыгар өр сылларга үтүө суобастаахтык үлэлии-хамсыы, буһа-хата сылдьар дьоммутугар Махтал суруктары, анал бэлиэлэри туттардыбыт. Убаастабыллаах Л.И.Винокуроваҕа Саха Өрөспүүбүлүкэтин Тыа хаһаайыстыбатын туйгуна диэн бочуоттаах аат иҥэрилиннэ. Бастыҥ үүт туттарааччынан Мария Петровна Винокурова, Татьяна Владимировна Яндреева, Акулина Ильинична Кириллина буоллулар.
Дьэ, бу сылы түмүктүүр биир бэлиэ тэрээһиммитигэр кэлэн кыттыыны ылбыт, санааларын үллэстибит салайааччыларбытыгар, биир дойдулаахтарбар уонна күндү дьоммор, үлэһиттэрбэр ис сүрэхтэн махтанабын. Үлэ дьоно туругура турдуннар, төрөөбүт дойдубут чэчирии сайыннын!»
Хаартыскалар Тихон Скрябин телеграм ханаалыттан
-
0
-
0
-
0
-
0
-
0
-
0
