Ол курдук, тохсунньу 28 күнүгэр Уус Маайа бөһүөлэгэр, Эдьээн уонна Петропавловскай сэлиэнньэлэригэр олохтоохтору кытта көрсүстэ. Нэһилиэнньэттэ уопсайа 20-чэ боппуруос киирдэ. Сүрүннээн олох-дьаһах хомунаалынай хаһаайыстыба, тыа хаһаайыстыбата, суоллары оҥоруу курдук тыын суолталаах хайысхаларынан.
Оттон тыа хаһаайыстыбатын бэтэрээнэ Николай Дмитриевич Кириллин өрөспүүбүлүкэ парламенын сис кэмититиэтин бэрэссэдээтэлигэр улуус киинигэр ууну ыраастыыр эбийиэги тутуу туһунан боппуруостаах киирдэ. Бу көрсүһүүлэргэ киирбит дьоҥҥо сүбэлэри биэрдилэр, бары боппуруостар дьокутаат тус хонтуруолугар киирдилэр уонна кылгас кэм иһигэр суругунан хоруйдары тириэрдиэхтэрэ.
Норуот дьокутаата Уус Маайа улууһугар салгыы тохсунньу 30 күнүгэр диэри үлэлиир.Бу иннинэ Александр Корякин Амма улууһун нэһилиэктэринэн сылдьан быыбардааччыларын иннилэригэр үлэтин туһунан отчуоттаабыта, көрсүһүүлэри ыыппыта.
Хаартыскалар: Ил Түмэн телеграм ханаалыттан
-
0
-
1
-
0
-
0
-
0
-
0
