Издательский дом Редакция Подписка
Погода в Якутске: . -11 oC

Ил Түмэн бэрэссэдээтэлин солбуйааччы Антонина Григорьева Ньурбаҕа үлэтинэн бара сылдьан Күндээтэ, Ньурбачаан, Дьиикимдэ, Сүлэ, Антоновка, Нефтебаза, Дьаархан, Чаппанда нэһилиэнньэтин кытары көрүстэ.

Ил Түмэн бэрэссэдээтэлин солбуйааччы Антонина Григорьева Ньурбаҕа үлэтинэн бара сылдьан Күндээтэ, Ньурбачаан, Дьиикимдэ, Сүлэ, Антоновка, Нефтебаза, Дьаархан, Чаппанда нэһилиэнньэтин кытары көрүстэ.

Күндээтэ нэһилиэгин баһылыга Яков Замятин олохтоохтор туруорсар кыһалҕаларын кэпсээтэ – пандемиянан тохтотуллубут Ньурба куоракка диэри автобус сырыытын үлэлэтэр туһунан, саахалланар уонна хаарбах туруктаах дьиэттэн көһөрүү бырагырааматынан ирдэнэр эргэ дьиэни сыаналааһын өҥөтө улаханын, Анаахха оскуола-интернат үлэтин сөргүтэр туһунан.

Ньурбачаан нэһилиэгэр 600 киһи олорор. Нэһилиэккэ үрдүк кыамталаах уот линиятын оҥороллорун кэтэһэллэрин тыыл бэтэрээнэ Степан Никитич Тихонов эттэ. Маны таһынан олохтоохтору экология боппуруоһа долгутар. Хочуолунай чоҕун быыла нэһилэк салгынын киртитэрин эттилэр. Ньурбачааҥҥа Антонина Григорьева бизнес-инкубатор быһыытынан үлэлиир козалары иитэр ферма үлэтин кытары билистэ.

Дьиикимдэлэр успуорт саалатын тутууну туруорустулар, 2023 сылга диэри тутуллуохтаах хочуолунай дьылҕатын ыйыталастылар.

Сүлэтээҕи орто оскуола 2019 сыллаахха 100 сааһын бэлиэтээбит. 2002 сыллаахха агрооскуола статуһун ылбыт. Оскуола оҕуруот аһын олордууга, сүөһү иитиигэ хайысхаланар.  Оскуола кэллэктиибэ «Земскэй учуутал» бырагырааманан английскай учууталын ыыталларын, сүөһү аһыгар субсидия көрөллөрүн туруорсар.

Антоновка олохтооҕо Алена Афанасьевна Иванова Антоновкатааҕы агрооскуолаҕа дьоҕус тыраахтыр ыларга көмөлөһөргэ көрдөстө. Маны таһынан олохтоохтор коммунальнай төлөбүр улаханын ыйдылар, чуолаан электрическай уотунан оттуктанан олорооччулар. Бибилэтиэкэ сэбиэдиссэйэ Людмила Петровна Ефремова үлэ техникатынан, саҥа кинигэлэри харайар ыскааптарынан хааччыйыы боппуруоһун туруорда.

Дьаарханнар сайын аайы турар ойуур баһаарын кыһалҕатыттан долгуйалларын биллэрдилэр, быйыл хаар чараас буолан сайын эмиэ баһаар турара кутталлааҕын ыйдылар.

Ил Түмэн бэрэссэдээтэлин солбуйааччыта Чаппандаҕа сырыытыгар олохтоохтор иһэр уу кыһалҕата сытыытык турарын туһунан кэпсээтилэр. Уу таһар соҕотох массыыналара алдьанан, дьон бэйэлэрин күүстэрин уу таһыналлар. Чаппанда балыыһатын дьиэтэ олус эргэрбитин иһитиннэрдилэр, дьиэни өрөспүүбүлүкэ бас билиитигэр көһөрөн, өрөмүөҥҥэ үп көрүллэрин туруорустулар.

Өрөспүүбүлүкэ парламенын вице-спикера Антонина Афанасьевна Григорьева оробуочай сырыытын түмүгүнэн кэккэ тэрээһиннэри былааннаата.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением