Онон, биир эмит маҕаһыын, эргиэн киинэ ас-үөл сыанатын үрдэппитин бэлиэтээтэххитинэ, «суһал сибээһинэн» эрийэн, биитэр саайт уонна социальнай ситим нөҥүө биллэрэргэ көрдөһөр. Социальнай суолталаах, күннэтэ туттуллар аһылык табаарыгар сыана олоҕо суох үрдэтиллибэтин судаарыстыбаннай уорганнар кыраҕытык кэтииллэр.
Социальнай суолталаах, күннэтэ туттуллар аһылык табаарыгар ас-үөл ханнык көрүҥнэрэ киирэллэрин Сыана бэлиитикэтин судаарыстыбаннай кэмитиэтин саайтыгар билсиэххэ сөп. Ол испииһэккэ баар бородуукталар сыаналара эмискэ үрдээбитин бэлиэтээтэххитинэ, ону сыанатын, хаасса чиэгин кытары хаартыскаҕа түһэрэн, маҕаһыынын чопчу ыйан туран, Сыана бэлиитикэтигэр судаарыстыбаннай кэмитиэтигэр:
-- сайт,
-- Инстаграм,
-- Одноклассники,
-- Фэйсбук,
-- Вконтакте,
-- Телеграм
нөҥүө биллэриҥ. Үлэ күннэригэр Сыана бэлиитикэтин судаарыстыбаннай кэмитиэтигэр +7(984)118-01-05; 8 (4112) 508-026 нүөмэрдэринэн «суһал сибээс» үлэлиир, ону таһынан +7(984)118-01-05 нүөмэргэ батсааптыахха сөп.
Сыананы олоҕо суох үрдэппит атыыһыттарга административнай миэрэ -- сэрэтии уонна ыстараап туттуллуоҕа:
-- дуоһунастаах сирэйдэргэ, ол иһигэр биирдэм урбаанньыттарга – 50 000 солк.;
-- юридическай сирэйдэргэ – олохтоммут сыананы олоҕо суох үрдэтиттэн ылбыт харчытын икки төгүлүнэн.
- 0
- 0
- 0
- 0
- 0
- 0