«РусГидро» бастакы генеральнай дириэктэрэ Роман Бердников бүгүн өрөспүүбүлүкэ салалтатыгар саҥа салайааччыны билиһиннэрдэ. «Гаврил Алексеев салалтатынан «Якутскэнерго» Саха Сирин энергетическай ситимин эрэллээх үлэтин хааччыйыа», — диэн Ил Дархан Айсен Николаев эрэлин биллэрдэ.
Бу иннинэ 2020 с. тэрилтэни Алексей Стручков салайан олорбута. Санатан эттэххэ, саҥа дьыл түүнүгэр «Саталга» уот баран дьон дьиэтэ, гарааһа хам тоҥмута. Ол эрээри, олохтоохтор уокка иэстэрин төлөөбөккө, уот ситимэ «Якутскэнерго» балансатыгар киирбэккэ бэйэлэрэ буруйдаахтарын курдук быһаарбыттара. -59 С тоһуттар томороон тымныыга бүтүн түөлбэни уота суох хаалларар диэн алдьархай быһыы.
-
0
-
0
-
0
-
0
-
0
-
0
