Үгүс хаһаайкалар үтүө үгэс быһыытынан, оливье, саҥыйахтаах селедка салаат, бэрэски, сибиэһэй эриллибит эттэн тиэптэл астаныахтара. Ону таһынан, остуолу тоҥ балык, быар, убаһа этэ киэргэтиэҕэ.
Бэҕэһээ эрэ Дьокуускай куорат килбэйэр киинигэр, Орджоникидзе болуоссатын 4 №-дээх маҕаһыыныгар киирэ сылдьан, дьэдьэн барыанньата 4000 солк. буолбутум көрөн сөхтүм. Атыыһыт кыыстан: «Киилэтэ дуо?», — диэн ыйыппытым, 600 гр. иһиттээх эбит. Олохтоох бородууксуйа сыаната итинник хас да бүк ыарыы турар.
Таһырдьа үрүҥ аһы, эти-балыгы атыылыыр киоскаҕа ынах тылын 1400 солк. атыылыыллар. Атыыһыттан: “Маннааҕы дуо?” — диэн сураспыппар биир сиргэ: “Чурапчы киэнэ”, атын сиргэ: “Новосибирскай”— диэтилэр. Оттон оптовай ырыынакка Бразилияттан кэлбит тыл 650 солк. Куорат киоскаларыгар олохтоох эрэ, кэлии эрэ тылы икки бүк сыанатын эбэн атыылыыллара — урбаанньыттар бэйэлэрин суобастарыгар.
-
0
-
0
-
1
-
0
-
0
-
0
