Издательский дом Редакция Подписка
Погода в Якутске: . 6 oC

Ааспыт нэдиэлэҕэ Ил Түмэн экэниэмикэ, инвестиция уонна бырамыысыланнас бэлиитикэтигэр сис кэмитиэт мунньаҕар норуот дьокутаата Виктор Федоров дойду Бэрэсидьиэнэ Владимир Путин 2028 сылга диэри Өлүөнэ өрүһү туоруур күргэни тутарга сорудахтаабытын санатта.

Ааспыт нэдиэлэҕэ Ил Түмэн экэниэмикэ, инвестиция уонна бырамыысыланнас бэлиитикэтигэр сис кэмитиэт мунньаҕар норуот дьокутаата Виктор Федоров дойду Бэрэсидьиэнэ Владимир Путин 2028 сылга диэри Өлүөнэ өрүһү туоруур күргэни тутарга сорудахтаабытын санатта.

«Үйэ улахан эбийиэгин тутарга 126 млрд. солк. ирдэнэр. Федеральнай киин 42 млрд. солк. көрбүт, ол эрэн 2024-2025-2026 сыллардаах бүддьүөт былааныгар ити үп киирбэтэх. 2027 с. киирэр диэн сэрэйиэххэ сөп, оттон өрөспүүбүлүкэ күргэни тутарга 40 млрд. үбэ суох, кыттыгас үбүлээччи эмиэ көстө илик. Оччотугар Бэрэсидьиэн сорудаҕын хайдах толоробут?», — диэн ыйытан бар дьону соһутта. Кини өрөспүүбүлүкэ уонна Арассыыйа кэлэр үс сыллаах бүддьүөтүгэр ити үп киирбэтэҕин чуолкайдаата.

Иккиһинэн, Өлүөнэ өрүһү туоруур күргэ тутулларыгар суол Птицефабрикаҕа диэри тиийиэхтээҕин, онтон Сэргэлээҕинэн «Бүлүү» федеральнай айан суолугар тахсыахтааҕын иһитиннэрдэ уонна ол суолу тутуу хайдах быһаарылларын ыйыталаста. Дьокутаат 60 туонна таһаҕаһы тиэйэр улахан массыыналары куоракка киллэрэр табыллыбатын, ыарахан тиэхиньикэ саҥа оҥоһуллубут суолу-ииһи тоҕута үктээн, алдьатар кутталлааҕын ыйда.

СӨ тырааныспарга уонна суол хаһаайыстыбатыгар миниистир солбуйааччыта Ольга Рафаилова федеральнай бүддьүөттэн үп сороҕо көрүллүбүтүн, өрөспүүбүлүкэ бүддьүөтүгэр көннөрүүлэри киллэрэргэ сайаапка бэриллибитин бэлиэтээтэ.  Оттон куорат кытыытынан барар суол тутуута өссө быһаарылла илигин иһитиннэрдэ.

Хаартыска: http://russkievesti.ru/novosti/ekonomika/mostu-byit-odobren-proekt-mosta-cherez-lenu-v-yakutii.html

  • 2
  • 0
  • 1
  • 2
  • 2
  • 8

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
В Ил Тумэне

Связующее звено

На очередном пленарном заседании Госсобрания Якутии депутатам предстоит утвердить членов…
20.04.24 11:51