Индексация кээмэйэ ааспыт сылга биэнсийэлээхтэр тиийинэн олоруу алын кээмэйин улаатыытын тэтиминэн ааҕыллар. Бу төлөбүргэ анаан социальнай фонда бюджетыгар 37,5 млрд солкобуой кэриҥэ үп көрүллүбүт.
Дойдуга барыта 4 мөлүйүөнтэн тахса киһи социальнай биэнсийэни ылар. Кинилэр ахсааннарыгар инбэлииттэр, иитэр-аһатар төрөппүтэ суох хаалбыт оҕолор, үлэ ыстааһа тиийбэтэх дьон, аҕа дойду улуу сэриитин кыттыылаахтара киирэллэр.
Маны таhынан, социальнай биэнсийэ байыаннай эчэйии түмүгэр инбэлиит буолбуттарга итиэннэ радиационнай эбэтэр техническэй саахалга эмсэҕэлээбит гражданнарга бэриллэр. Туспа категорияларынан хааччыллар дьоҥҥо судаарыстыбаннай биэнсийэнэн хааччыйыы кээмэйэ эмиэ үрдээтэ.
Санатабыт, социальнай биэнсийэни индексациялааһын сылга 1 төгүл – муус устар 1 күнүгэр эрэ ыытыллар.
Альбина ПАВЛОВА
- 5
- 0
- 0
- 0
- 0
- 0