Издательский дом Редакция Подписка
Погода в Якутске: . 26 oC

Өрөспүүбүлүкэҕэ тырааныспар сайдыытын, сөмөлүөттэри, устар ааллары саҥардыы, Өлүөнэ өрүһү туоруур күргэни тутуу туһунан боппуруостары ааспыт нэдиэлэҕэ Ил Түмэн Экэниэмикэ, инвестиция уонна бырамыысыланнас бэлиитикэтигэр сис кэмитиэтин мунньаҕар дьүүллэстилэр. Мунньаҕы сис кэмитиэт бэрэссэдээтэлэ Павел Петров ыытта.

Өрөспүүбүлүкэҕэ тырааныспар сайдыытын, сөмөлүөттэри, устар ааллары саҥардыы, Өлүөнэ өрүһү туоруур күргэни тутуу туһунан боппуруостары ааспыт нэдиэлэҕэ Ил Түмэн Экэниэмикэ, инвестиция уонна бырамыысыланнас бэлиитикэтигэр сис кэмитиэтин мунньаҕар дьүүллэстилэр. Мунньаҕы сис кэмитиэт бэрэссэдээтэлэ Павел Петров ыытта.

Ситэриилээх былаас бэрэстэбиитэллэрэ өрөспүүбүлүкэ социальнай-экэнэмиичэскэй сайдыытын туһунан Ил Түмэн 2023 с. олунньу 28 күнүгэр тахсыбыт 34 пууннаах уурааҕын толоруу хас бырыһыана туолбутун, туох үлэ ыытылларын отчуоттаатылар.

Министиэристибэлэр тырааныспар, логистика, тарыып, бырамыысыланнас, энергетика, тулалыыр эйгэни харыстааһын салааларыгар нэһилиэнньэ олоҕун таһымын тупсарарга туох үлэ ыытыллыбытын иһитиннэрдилэр.

СӨ Тырааныспарга уонна суол хаһаайыстыбатыгар миниистирин солбуйааччыта Ольга Рафаилова уу тырааныспарын уонна Хотугу муора суолун сайыннарарга, флоту саҥардарга туох үлэ ыытылларын билиһиннэрдэ.

Тиксии муора пуордугар, Өлүө­нэ эбэ устун улахан суудуналар ааһалларын туһугар уу түгэҕин дириҥэтэн, кэҥэтэн биэриэхтээхтэр. Ол үлэни ыытарга күн бүгүн сөптөөх тиэхиньикэ тиийбэт. 2030 сылга диэри 8 земснаряд уонна 92 суудуна ирдэнэр, харчытыгар таһаардахха,  28 820,8 мөл. солк. Быйыл уу түгэҕин дириҥэтэргэ биир тиэхиньикэ кэлиэхтээх. Өлүөнэтээҕи биир кэлим пароходство флоту саҥардарга 2023 с. инвестициялыыр бырагыраама бэлэмнээбитэ, ол чэрчитинэн быйыл кыттыгас үбүлээһин көрүллүбүтэ.   

Хоту таһаҕаһы тиэйэр суудуналары миэстэтигэр өрөмүөннүүргэ анал доктары (пирстары) тутарга тустаах министиэристибэ Федерация Сэбиэтин Эрэгийиэннээҕи бэлиитикэҕэ, олохтоох бэйэни салайыныыга уонна хоту оройуоннар сис кэмитиэттэрин бэрэссэдээтэлигэр этиилэрин киллэриэхтээх.

Ольга Рафаилова ити бырайыактарга үбүлээһин билиҥҥитэ кыайан көстүбэтин, миллиардынан үбү-харчыны кыттыгас угуу ирдэнэрин бэлиэтээтэ. Федеральнай киинтэн харчыны көрдөөтөхтөрүнэ, үксүн аккаастыылларын эттэ.

«Арассыыйа муоратын пуортара» федеральнай бырайыак чэрчитинэн, Тиксиигэ, Нижнеянскайга, Уус Куйгааҕа, Черскэйгэ пуорт инфраструктуратын сайыннарарга үлэ барыахтаах.

Өрөспүүбүлүкэ Тиксиини омук суудуналара тиксэллэригэр аһаҕас пуортар ахсааннарыгар киллэрэргэ туруорсан, РФ Тырааныспарын министиэристибэтигэр сурук ыыппыта. Тустаах докумуоннары барытын бэлэмнээн ыыппыттара даҕаны, федеральнай биэдэмэстибэ тута илигин биллэрбит.  

Тиксии муора пуортун кыраныыссатын кэҥэтэргэ Найбаҕа дириҥ түгэхтээх муора терминала тутуллуохтаах. Бу бырайыагы олоххо киллэрэргэ Владивосток куоракка 2023 с. ыытыллыбыт VIII Илиҥҥи экэнэмиичэскэй пуорумҥа өрөспүүбүлүкэ «Газпромбааны» кытта сөбүлэһии түһэрсибитэ.

Тутуу матырыйаалыгар, технологическай оборудованиеҕа сыана үрдээн хаалан, Жатайдааҕы суудунаны тутар собуокка бүддьүөттэн 1 063 мөл. солк. эбии үп көрүллүөхтээх. Өрөспүүбүлүкэ бүддьүөтүттэн 250,5 мөл. солк. ыытыахтаах.

2023 с. РФ Бырабыыталыстыбатын бэрэссэдээтэлин солбуйааччы, РФ Бырамыысыланнаска уонна атыыга-эргиэҥҥэ миниистирэ Денис Мантуровы кытта мунньахха, федеральнай бас билиигэ баар Жатайдааҕы суудунаны тутар собуоту өрөспүүбүлүкэ бас билиитигэр биэрэр туһунан кэпсэтии барбыта.

Дойду Бэрэсидьиэнэ Владимир Путин 2024 с. тохсунньу 5 күнүгэр собуот аахсыйатын өрөспүүбүлүкэ бас билиитигэр биэрэргэ ыйаах таһаарбыт. Жатайдааҕы собуоту тутар-таҥар үлэ быйыл түмүктэнэн, эһиил суудунаны тутуу үлэтэ саҕаланыахтаах.

Хаартыска: Sakhanews

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением