Издательский дом Редакция Подписка
Погода в Якутске: . 18 oC

2024 сыл дойдуга - Дьиэ кэргэн сылынан, оттон Саха Сиригэр — Оҕо саас сылынан биллэриллэн,  элбэх оҕолоох ыаллары өйөөһүҥҥэ туһуламмыт сокуоннары ылыныы федерация уонна эрэгийиэннэр таһымнарыгар бара турар.

2024 сыл дойдуга - Дьиэ кэргэн сылынан, оттон Саха Сиригэр — Оҕо саас сылынан биллэриллэн,  элбэх оҕолоох ыаллары өйөөһүҥҥэ туһуламмыт сокуоннары ылыныы федерация уонна эрэгийиэннэр таһымнарыгар бара турар.

Ол курдук, Саха Сиригэр төлөбүр холбоммут суумата мөлүйүөнтэн тахса солкуобайы үс уонна онтон элбэх оҕолоох ыаллар ылыахтарын сөп. Манна федеральнайдааҕы уонна эрэгийиэннээҕи таһымнаах өйөбүл миэрэлэрэ киирэллэр.

Төлөбүргэ киирэр «Дьиэ кэргэн» өрөспүүбүлүкэтээҕи ийэ хапытаала үһүс оҕоҕо биэрэр 300 тыһ солк, «Үйэ оҕолоро» сыаллаах хапытаал 2022 — 2027 сылларга төрөөбүт оҕолорго — 110 тыһ солк, биир кэмнээх өйөбүл сир учаастагын оннугар — 200 тыһ солк уонна үһүс уонна онтон кэлэр оҕолорго федеральнайдааҕы төлөбүр — 450 тыһ солк ипэтиэкэни сабыыга. Бу миэрэлэри барытын холбоотоххо — мөлүйүөнтэн тахса солк суума тахсар.

ххх

Саха Сирин өссө 3 тэрилтэтэ «Производительность труда» национальнай бырайыакка кыттыһан,  бүгүҥҥү күҥҥэ уопсай ахсааннара  25 хампаанньаҕа тиийдэ. Кыттааччылар быһаарар кыахтаах эрэгийиэннээҕи киинин хамаандатын уонна сыныктааччылары кытта үлэлииллэр, үлэлэригэр мөлтөх сирдэрин бэлиэтииллэр, үлэ хаамыытын салайыналлар, харыстабыллаах технологияларга үөрэнэллэр.

2024 сыл бэс ыйыгар «Саюри», «ИФК «РФА-Инвест» уонна «КСП» хампаанньалар «Производительность труда» нацбырайыак кыттааччылара буоллулар. Бырайыак өрөспүүбүлүкэҕэ 2020 сылтан үлэлиир, биир кэлим экосистиэмэни оҥороллор, үлэ оҥорон таһаарыытын таһымын улаатыннараллар.

ххх

Эрэгийиэҥҥэ  «Саха сирэ» уонна «Соҕуруу Саха сирэ» урутаан сайдыы сирдэригэр-уоттарыгар 72 резидент үлэни ыытар уонна 10 тыһыынчаттан тахса саҥа үлэ миэстэтин тэрийдэ. Инбэстииссийэлэр көмөлөрүнэн бырайыактары олоххо киллэрэргэ 111 млрд солк угулунна. « Инбэстииссийэлэри тардыы, саҥа бырайыактары өйөөһүн Уһук Илин сайдыытын биир тутаах хайысхата буолар», – диэн РФ бэрэсидьиэнин Уһук Илиҥҥэ боломуочуйалаах бэрэстэбиитэлэ — вице-премьер Юрий Трутнев эппитэ. Санатан эттэххэ, Россияҕа социальнай-экэнэмиичэскэй урутаан сайдыы сирдэрэ-уоттара РФ бэрэсидьиэнэ Владимир Путин  көҕүлээһининэн тэриллибиттэрэ. 2014 сыл бүтэһигэр тустаах федеральнай сокуон ылыныллыбыта.

Хаартыскалар куйаар ситимиттэн ылылыннылар

 

 

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22