Издательский дом Редакция Подписка
Погода в Якутске: . 21 oC

Ил Түмэн экэниэмикэ, инвестиция уонна бырамыысыланнас бэлиитикэтигэр сис кэмитиэтин мунньаҕар СӨ инновацияҕа, сыыппара сайдыытыгар уонна инфокоммуникационнай технологияҕа миниистир Василий Ефимов иһитиннэрбитинэн, «СӨ инновация уонна сыыппара сайдыыта» судаарыстыбаннай бырагыраамаҕа кэккэ уларыйыылар киирдилэр. 

Ил Түмэн экэниэмикэ, инвестиция уонна бырамыысыланнас бэлиитикэтигэр сис кэмитиэтин мунньаҕар СӨ инновацияҕа, сыыппара сайдыытыгар уонна инфокоммуникационнай технологияҕа миниистир Василий Ефимов иһитиннэрбитинэн, «СӨ инновация уонна сыыппара сайдыыта» судаарыстыбаннай бырагыраамаҕа кэккэ уларыйыылар киирдилэр. 

 

Бырагыраамаҕа уопсайа 4 965 951,6 тыһ. солк. көрүллүбүт,  2024 с. үбүлээһин 1 581 533,1 тыһ. солк. 2025 с. 673 020, 8 тыһ. солк. 

Холобур, кибератаканы тохтотор кииҥҥэ быйыл 17 мөл. солк. көрүллүбүт, креативнай экэниэмикэни сайыннарарга «СӨ сайдыытын корпорациятын» устааптаах хапытаалын улаатыннарарга 80 мөл. солк. Оттон элбэх хайысхалаах киинэ павильонун тэрийэргэ 2024 с. 12,6 мөл. солк.  көрүллүбүт. Креативнай салааҕа үлэлиир юридичэскэй сирэйдэр ороскуоттарын сороҕун субсидиялыырга 27,1 мөл. солк.

1

Дакылааты истэн баран сис кэмитиэт бэрэссэдээтэлэ Павел Петров бырагырааманы үбүлүүргэ туох сыалтан үбү кэмчилээһин оҥоһуллубут ыйыталаста. СӨ экэниэмикэтин миниистирэ Петр Попов резервнэй пуонданы толорорго бырагыраама ороскуотун аччатыы сыл ахсын оҥоһулларын туһунан хоруйдаата. Быйыл 500 мөл. солк. инвестбырагырааматтан уонна итиччэ сууманы судаарыстыбаннай бырагыраамалартан уопсайа 1 млрд. солк. тахса үбү устубуттар. Миниистир этэринэн, бүддьүөт дохуота ороскуот кээмэйин ситэр, толуйар кыаҕа суох. 

Ороскуот улахан аҥаара ОДьКХ салаатыгар ититиини хааччыйарга барар. Аартыка улуустарыгар гаас турбанан тардыллара кыаллыбат. Хоту 150 миэстэлээх оскуолаҕа 25 оҕо үөрэнэрэ, Дьабарыкы Хайаҕа баар 700 миэстэлээх таас оскуолаҕа 89 оҕо үөрэнэрэ этилиннэ. Маннык аҕыйах үөрэнээччилээх оскуола элбэх.

4

Итинник эбийиэктэри көрөргө-истэргэ, ититиинэн хааччыйарга үтүмэннээх үп ороскуоттанар. Улуус киинигэр оскуола оптуобуһа сылдьыан сөп эрээри, үөрэх ирдэбилин быһыытынан, нэһилиэктэн оскуола төһө ыраах сытара чуолкайданыахтаах. Онон кыра нэһилиэнньэлээх пууннар олохторун-дьаһахтарын үбүлээһин туспа көрүллэрэ табыгастаах.

Василий Кононов хаартыскаҕа түһэриилэрэ, ук24.ru.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22