— Ити аата биһиги бүддьүөппүт дохуоттаах чааһа уйуктаах, тас дьайыылартан, сырьеттан тутулуга суох, — диэн иһитиннэрэр кини.
Санатан эттэххэ, былырыын бүддьүөккэ ньиэп, гаас эйгэтиттэн эбии 1,3 триллион солкуобай киирбит. “Бу көрдөрүү Национальнай туруктаах буолуу пуондатын харыстааһыҥҥа олус улахан оруоллаах”, — диэн иһитиннэрэр дойду баһылыга.
Бэрэсидьиэн этэринэн, ааспыт сыллааҕы бүддьүөт дэпписиитэ ис баалабай бородууктаҕа тэҥнэспитинэн 1,7 бырыһыанынан үрдээбит.
— Уопсай ылан эттэххэ, экэниэмикэбитигэр 2024 сыл куһаҕана суохтук ааста. Экэниэмикэбит сүрүн көрдөрүүлэрэ да ону кэрэһилииллэр. Холобур, бүддьүөппүт дэпписиитэ 1,7 бырыһыан ис баалабай бородууктаҕа тэҥнэспитэ. Бу, билиҥҥи кэмҥэ, куһаҕана суох көрдөрүү, — диэн иһитиннэрдэ Владимир Владимирович.Эспиэртэр сыаналыылларынан, 2024 сылга атын дойдулар бүддьүттэрин дэпписиитэ баалабай бородууксуйаҕа сыһыаран көрүүгэ кырата суох: АХШ -6,2 бырыһыан, Францияҕа – 6,2 бырыһыан, Италияҕа – 3,8 бырыһыан, Японияҕа – 3,8 бырыһыан, Германияҕа – 2,2 бырыһыан.
Хаартыска: РФ бэрэсидьиэнин пресс-сулууспата
-
0
-
0
-
0
-
0
-
0
-
0
