Кинилэр Дьокуускайга өрүс пуордугар элбэх киһи мустан, кыраадыстаах утаҕы иһэн баран охсуһуу тахсарын эттилэр. Итирик эр дьон инники кирбиигэ сылдьыбыттарын туоһулуур туох даҕаны дастабырыанньалара суох эрээри, Анал байыаннай дьайыыттан кэллибит, биһигини босхо таһыахтааххыт диэн дибдийэллэр эбит.
Оттон элбэх оҕолоох ыаллар докумуоннарын көрдөхтөрүнэ, утары барыахтарын, чэпчэтиини оҥоруохтарын сөбүн туһунан биллэрдилэр. Өрүс эстээри, муус бараары турар кэмигэр дьону таһар, биллэн турар, сэрэхтээх, ол иһин сыл ахсын анал хамыыһыйаны ааһаллар.
Хивустар кумах үрдүнэн айаннаатахтарына, тырааныспар эрэһиинэ түгэҕэ түргэнник кэбириирин, элэйэрин биллэрдилэр. Николай Высоцкай кэпсииринэн, хивус алларааҥҥы хаттыгаһа кумаҕы кытта аалсан, былырыын үс нэдиэлэ иһигэр эрэһиинэ түгэҕэ барыта тырыта барбыт. Тиэхиньикэ түгэҕин уларытарга 500 тыһ. солк. ирдэнэр.
Сааҥсыйаттан сылтаан, импортнай саппаас чааһы атыылаһаллара уустугурбут, ону солбуйар тэрил Арассыыйаҕа билиҥҥитэ оҥоһуллубат диэтилэр. Кытай киэнин туттан көрбүттэр даҕаны, аҕыйах хонукка тиийэрэ этилиннэ.
Кыргызстаантан, Казахстаантан сакаастаатахха, Арассыыйаны кытта доҕордуу аффилированнай сыһыаннааххыт диэн ылбаттар эбит, онон төлөбүрү евро 110 солк. диэри үрдэтиллибит куурсунан АХШ-нан эргитэн ыыталлар. Нижнэй Новгородка олорор урбаанньыт онон дьарыктанар, кыра кууһунан саппаас чааһы сакаастыыр, итинник балаһыанньаны учуоттаан, төлөбүрэ таһыччы үрдүк.
Аны уматык сыаната тутулуга суох ыарыы турар, оттон урбаанньыттар сыаналарын тута сатыыллар, арай муус барар кэмигэр аҕыйах хонукка аэробуот сыаната 5000 солк. диэри үрдүүр. Ону таһынан, кытылтан кырдьаҕас, ыарыһах дьон түһэллэригэр-тахсалларыгар ыксалынан оҥоһуллубут олус үрдүк уонна туруору кирилиэс табыгаһа суоҕун иһин ону иккистээн оҥоруохтаахтарын кэпсээтилэр.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
