.jpg)
Ааспыт нэдиэлэҕэ Ил Түмэн ХIV пленарнай мунньаҕын чэрчитинэн хомунаалынай хаһаайыстыба уонна энергетика бүгүҥҥү туругун туһунан Бырабыыталыстыба чааһа ыытылынна.
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Дмитрий Садовников үбүлээһин тиийбэтиттэн сылтаан, социальнай эбийиэктэргэ, дьон олорор дьиэлэригэр сылааһы биэрэр ситим эргэрбитин, өрөмүөн кэмигэр ыытыллыбакка саахал тахсарын уонна ону туоратарга кэлэр сылларга туох былаан баарын туһунан билиһиннэрдэ.
Күн бүгүн өрөспүүбүлүкэ хомунаалынай ситимин эбийиэктэрин 48,7 % -а эргэрдэ, онтон 45 %-ыгар элэйии 60 %-тан үрдүк. Ону саҥардарга 80 миллиард солк ирдэнэр, көрүллэр үбүлээһин ситэтэ суох. Маннык усулуобуйаҕа тэрилтэлэр инвестиционнай уонна өрөмүөн үлэтин ыытар бырагыраамаларын кыччата олороллор. Бу кыһалҕаны быһаарарга федеральнай киинтэн үбү көрдүүргэ, эрэгийиэн өттүттэн кыттыгас үбүлээһин кээмэйин улаатыннарарга үлэ ыытыллыахтаах.
Биир улахан бырайыак быһыытынан, өрөспүүбүлүкэҕэ кытаанах бөҕү хомуйарга полигон тутуллубута эрээри, бөҕү сааһылыыр ыстаансыйа тутулла илигинэн үлэҕэ киирэ илик. Эрэгийиэннээҕи оператор 11 анал тиэхиньикэни атыылаһарга лиизин дуогабарын түһэрсибит.
Василий Кононов хаартыскаҕа түһэриитэ.
-
0
-
0
-
0
-
0
-
0
-
0
