Иван Луцкан Бүлүү бөлөх улуустарыгар уонна Алдаҥҥа убаҕас тобоҕу ыраастыыр тэрили туруоруу туһунан ыйытта. Бырабыыталыстыба бэрэссэдээтэлин солбуйааччы бырайыактыыр-симиэтэлиир докумуон баар түгэнигэр бу боппуруос быһаарыллыан сөбүн туһунан хардарда. Онуоха муниципальнай тэриллиилэр кыһаллыахтаахтар.
Василий Николаев Дьокуускайга кытаанах хомунаалынай бөҕү хомуйарга 2 млрд. солк. тутуллубут полигон хаһан үлэлиирин интэриэһиргээтэ, эргэ сыбаалканы суох оҥорор уолдьаспытын бэлиэтээтэ.
Дмитрий Садовников бөҕү сааһылыыр ыстаансыйа тутулуннаҕына биирдэ полигон үлэлиир кыахтааҕын туһунан иһитиннэрдэ. Үлэни толорооччуну кытта концессионнай сөбүлэһии түһэрсиллибит эрээри, эбэһээтилистибэ толору оҥоһуллубакка ону көтүрэргэ күһэллибиттэр, өйдөспөккө икки өттүттэн хомуруйсуу, модьуйсуу тахсан, суукка үҥсүүнү түһэрбиттэр. Бу боппуруоһу быһаарарга СӨ Борокуратуурата кыттыспыт. Бырайыактыыр симиэтэ номнуо эргэрбит, онон суут бүттэҕинэ полигону үлэҕэ киллэрэр үлэ ыытыллыахтаах.
Тихон Скрябин ОДьКХ салаатыгар ыытыллыахтаах уларыта тутуу туһунан ыйыталаста, гаастааһыҥҥа ханнык саҥа технология киириэхтээҕин, ону олоххо киллэрэргэ төһө үп наадатын сураста. Хомунаалынай хаһаайыстыбаҕа көрүллэр субсидия сыл ахсын үрдүү турарын, бу кыһалҕаны хайдах быһаарыахха сөбүн токкоолосто.
Дмитрий Садовников уларыта тутууга эмиэ харчы наадатын санатта. Кини аҕыйах сыллааҕыта ороскуоту аччата сатаан хочуолунай ахсаанын аҕыйатан туран, улахаттары туппуттарын санаата. Билигин кинилэр улахан кыамталаахтык эрэ үлэлиир кыахтаахтар, ол эрэн ол хочуолунайдары сабар, субсидияны кыччатар эмиэ табыллыбат курдук. Итиниэхэ олоҕуран, ОДьКХ салаатыгар саҥа көдьүүстээх технологияны киллэрэргэ үлэ ыытыллар.
Василий Кононов хаартыскаҕа түһэриитэ.
-
1
-
0
-
0
-
0
-
0
-
0
