«Уhук Илиңңэ Российскай Федерация ойуурдарын 50% кэриңэ ойуурдара, Россия маhын саппааhын 31% баар. Онуоха соҕотуопка кээмэйдэрэ дойду уопсай кээмэйин 8% курдугу ылаллар уонна аҕыйаан иhэллэр. Ойуур салаатын эрэгийиэн бородууктатыгар уонна РФ валовой бородууктатыгар ѳлүүтүн кээмэйэ, ис дьиңин ыллахха, уруккутунан улахана суох. Салааҕа үлэҕэ мэhэйдиир кэккэ кыhалҕалар мунньулуннулар», - диэн мунньаҕы Юрий Трутнев аста.
Россия Бырабыыталыстыбата салаа ѳйѳбүлүгэр миэрэлэри ылар. Ол кѳмѳтүнэн 12 бырайыак олоххо киирбит: 5 – Хабаровскай кыраайга, 3-түү — Приморскай кыраайга уонна Буряти Ѳрѳспүүбүлүкэтигэр, 1 – Амурскай уобаласка. Ѳссѳ 5 инвестиционнай бырайыак олоххо киирээри турар. ТОРдарга уонна Владивосток кѳңүл пордугар (таможеннай, нолуогабай уонна административнай регулировкалааhын ураты эрэсиимнээх) ойуур уонна целлюлоза-кумааҕы салаатыгар 77 инвестиционнай бырайыак олоххо киллэриллэр — былааннанар инвестициялар уопсай кээмэйдэрэ 34,6 млрд солкуобай, онтон хайыы үйэ 14,1 млрд солкуобай угуллубут, 5 тыh. кэриңэ киhи үлэ миэстэлэммит.
Сааңсыйа күhэйиитин усулуобуйаларыгар ойуур салаатыгар балаhыанньа мѳлтүүрэ бэлиэтэннэ. Россия маhын тиэрдэргэ үгүс дойду ырыынактара сабылыннылар.
Мунньахха ойуур бырамыысыланнаhын комплексын ѳйүүр миэрэлэр дьүүллэhиннилэр.
Источник: Уhу Илин сайта.
-
0
-
0
-
0
-
0
-
0
-
0
