Өлүөнэ өрүскэ муус алын кирбиитэ Ленскэй оройуонун Пеледуйун аннынан бэлиэтэнэр, муус турар (уу таһыма 1094 см, кутталаах таһыма 1200). Хонук устата муус 24 км барда. Харыы үөскүүр түбэлтэтигэр уу 1070-1120 см. тахсыан сөп.
Нүүйэҕэ муус Орто Наахара аннынан хойуутук устар.
Өлүөхүмэ өрүскэ муус устуута Дьиикимдэ аннынан ыам ыйын 6 күнүгэр бэлиэтэннэ, муус хойуутук устар.
Биитим үөһээ сүүрүгэр муус хамсыыр, Саха Сиригэр ыам ыйын 12-15 күннэригэр киирэрэ сабаҕаланар.
Алдаҥҥа Чагда бөһүөлэгин аннынан муус хамсыыр, Элдьикээн- Верхоянский Перевоз учаастагар уу эбиллэр. Чагда-Уус Миль-Петропавловскай-Элдьикээн аннынан муус устуута ыам ыйын 7-8 күннэригэр сабаҕаланар.
Амма өрүс үөһээ уонна аллараа сүүрүгэр ырбыыланна, орто сүүрүгэр, Амма сэлиэнньэтин аннынан муус хамсыыр. Уу таһыма кыра.
Бүлүүгэ уу эбиллэр, ырбыыланар. Сунтаар-Бүлүү учаастагар муус устуута ыам ыйын 13-15 күннэригэр сабаҕаланар
Хоту өрүстэргэ кыһыҥҥы эрэсиим бэлиэтэнэр. Халымаҕа Зырянка аннынан муус үрдүгэр уута таҕыста.
Ыам ыйын 6 күнүгэр Амма, Таатта, Өлүөхүмэ, Алдан улуустарыгар салгынынан кэтээн көрүү, бүгүн Ленскэй, Алдан, Амма улуустарыгар оҥоһуллуо диэн ЫБММ СӨ управлениетын начальнига Павел Гарин иһитиннэрэр.
Хаартыскалар ЫБММ СӨ Кылаабынай управленетын саайтыттан ылылыннылар
-
0
-
0
-
0
-
0
-
0
-
0
