Ыам ыйын 4 күнүгэр Өлүөнэ өрүс түөрт хонугунан эрдэлээн, Саха Сирин Витим бөһүөлэгин аннынан эһиннэ.
Өлүөхүмэ өрүскэ Дьиикимдэ — Куду Күөл икки ардынааҕы учаастакка уу таһыма сууккаҕа 5-тэн 25 см диэри үрдээбит.
Алдан өрүскэ уу таһыма сууккаҕа 10-тан 50 см эбиллибит, уу муус үрдүнэн устар, муус хараарбыт.
Амма өрүскэ ыам ыйын 3 күнүгэр муус 6 хонук иннинэ хамсаата. Уу таһыма Мээндиги аннынан 435 см бэлиэҕэ тиийдэ. Амма5а көмүөл мууһа орто сүүрүгэр бэлиэтэнэр, үөһээ сүүрүгэр уу таһыма эбиллэр, муус хамсыыр.
Бүлүү өрүскэ уу таһыма -4-тэн 8 см диэри эбиллэр, муус турар.
Хоту уонна хотугулуу-илин өрүстэр тураллар.
Нэһилиэнньэҕэ куттала суох буолуу хааччыйыытын боппуруостара толору быһаарылыннылар. Гидрологическай балаһыанньа мөлтөөтөҕүнэ, ЫБММ сулууспатын быыһааччылара үлэлии тахсаллара күүтүллэр, РСЧС өттүттэн 17 киһи уонна 4 тиэхиньикэ тардыллыаҕа.
Хаартыска: ЫБММ пресс-сулууспата, УГМС ТГ-ханаала
-
1
-
0
-
0
-
0
-
0
-
0
