Пеледуй бөһүөлэгэр уу таһыма 699 см, кутталлаах таһым 1200 см.
Ленскэй куорат аннынан уу таһыма – 168 см., кутталлаах таһым 1410 см. (даамбаны учуоттаатахха 1760 см.).
Муус үөһээҥҥи кирбиитэ Иркутскай уобалас Визирнай нэһилиэнньэлээх пуунугар бэлиэтэнэр. Муус барыытын уопсай устата 131 км. тэҥнэһэр. Суукка устата 53 км. сыҕарыйбыт.
Олоохуна өрүскэ Өлүөхүмэ улууһун Дьиикимдэ-Куду Күөл учаастагынан уу таһыма салгыы тахсар, суукка устата 10 см 34 см диэри тахсыбыт, ырбыыламмыт уонна муус ууламмыт.
Алдаҥҥа уу таһыма суукка устата 0,1 митэрэттэн 1,2 миэтэрэҕэ диэри эбиллибит, муус турар, уулаах, мууһу өрө көтөхпүт, сыҕарыйбыт. Суукка устата уу таһыма 15 см. үрдээбит, муус хамсааһына бэлиэтэнэр, ууламмыт.
Амма өрүскэ муус алын кирбиитэ Сулҕаччыттан 5 км. алын бэлиэтэнэр, уу таһыма 374 см, кутталлаах таһым – 925 см. буолар. Муус үөһээҥҥи кирбиитэ – Өнньүөстэн 6 км. үөһэ бэлиэтэнэр. Муус барыытын уопсай уһуна 252 км. Суукка устата 29 км. сыҕарыйбыт. Биир-икки суукканан Амма, Чурапчы улуустарыгар тиийиэҕэ.
Бүлүү өрүскэ муус турар, уу таһыма кыратык тахсыбыт.
Хоту уонна хотугулуу-илин өрүстэр кыһыҥҥылыы тураллар.
Горнай улууһун Бэс Күөлүн сэлиэнньэтин аннынан Дьүктүөнэ уутун таһыма 1006 см. тэҥнэһэр. Бүгүн 9 ч. туругунан ууга барбыт олорор дьиэ суох. Улуус дьаһалтата быстах кэмҥэ олорор пууҥҥа этии киллэрбитин, олохтоохтор аккаастаммыттар.
Хаартыска ЫБММ Саха Сиринээҕи управлениетын пресс-сулууспата
-
2
-
0
-
0
-
0
-
0
-
0
