Өлүөнэ
Муус көхтөөхтүк Кэбээйи, Нам уонна Дьокуускай куорат аттынан устар.
Үөһээ кирбиитэ киин куорат аннынан, муус ортотук устар. Аллараа кирбиитэ — Кэбээйи улууһун Сангаар бөһүөлэгиттэн 80 км. аллараа, муус хойуутук устар. Көмүөлэ силбэһэн уопсай уһуна — 420 км, ааспыт сууккаҕа 40 км устубут. Икки-үс суукканан Эдьигээн улууһугар киирэрэ күүтүллэр.
Алдан
Муус өрүс төрдүгэр тахсан көхтөөхтүк устар.
Бүлүү
Муус Кэбээйи улууһунан көхтөөхтүк устар.
Дьааҥы
Суукка иһигэр уу таһыма 5-60 см үрдүүрэ бэлиэтэнэр. Дьааҥы улууһун Верхоянскай куоратын аттыгар (өрүс төрдүгэр диэри 855 км) муус хамсыыр. Баатаҕай-Уус-Куйга учаастагар ырбыыланар, аллараа сүүрүгүнэн — муус тохтообут
Индигиир
Мууһа көөрөттөр, ырбыыланар, уута муус үрдүнэн тахсара бэлиэтэнэр, мууһа көтөҕүлүннэ.
Халыма
Муус Үөһээ Халыма уонна Орто Халыма улуустарынан көхтөөхтүк устар. Орто Халыма куорат аннынан ыам ыйын 20-21 күннэригэр эстэрэ күүтүллэр. Муус харыыта үөскүүр түгэнигэр уу таһыма кутталлаах кирбиини куоһарыан сөп.
Үөһээ кирбиитэ Үөһээ Халыма улууһун Зырянка бөһүөлэгин аннынан 50 км сытар.
Зырянкаҕа аэродромҥа сөмөлүөт көтөр-түһэр балаһатын 50% ууга барда. Уу таһыма үрдүүрэ күүтүллэр, эбии 30-50 см.
Аллараа кирбиитэ Орто Халыматтан үөһэ 100 км.
Халыма өрүскэ түүнүн 5 кыраадыс тымныы буолара күүтүллэр. Ол иһин өрүс эстиитигэр муус харыан сөп. Бу түгэҥҥэ гидропост аннынан уу таһыма үрдүүр куттала баар. Ол туһунан брифиҥҥэ СӨ Бырабыыталыстыбатын бэрэссэдээтэлин солбуйааччы Дмитрий Садовников иһитиннэрдэ.
«Орто Халыма куоратын аннынан ааспыт сууккаҕа уу таһыма 40 см үрдээбит. Кутталлаах кирбии 1 200 см эбит буоллаҕына, билигин уу таһыма 787 см тэҥнэһэр. Өрүскэ муус хамсааһына бэлиэтэнэр», — диэн Дмитрий Садовников бэлиэтээтэ.
РФ ЫБММ Саха сиринээҕи управлениета иһитиннэрэринэн, Березовка өрүскэ икки-үс хонугунан муус устуута өрүс сүнньүгэр тахсарын, кэлэр сууккаҕа уу таһыма үрдүүрүн сабаҕалыыллар.
Хаартыска Сахагов ру
.
-
0
-
0
-
0
-
0
-
0
-
0
